Бо ибтикори Бахши кор бо ҷавонон ва варзиши ноҳияи Данғара дар якҷоягӣ бо мақомоти иҷроияи ҳокимияти давлатии ноҳия дар МД “Маҷмааи варзишӣ” мусобиқаи варзишӣ аз рӯи намуди футболи хурд оғоз гардид.

Мусобиқа бахшида ба 27 – солагии Рӯзи Истиқлолияти давлатии Ҷумҳурии Тоҷикистон доир гардида, дар он дастаҳои муассиса ва ташкилотҳои ноҳия байни ҳам қувваозмоӣ менамоянд.

Бино ба иттилои масъулин марҳилаи ниҳоии мусобиқа рӯзҳои 7-8-уми сентябр доир гардида, ғолибон бо ҷом, медал ва туҳфаҳои хотиравӣ сарфароз гардонида мешаванд.