Бахшида ба Рӯзи модар дар ноҳияи Данғара миёни бонувони ташкилоту муассисаҳои ноҳиявӣ мусобиқаи волейбол баргузор шуд.

Мусобиқаи мазкур тибқи нақша-чорабиниҳои мақомоти маҳаллӣ бо ташаббуси Муассисаи давлатии Маҷмааи варзишӣ роҳандозӣ гардида, дар он 100 нафар бонувон дар ҳайати 13 даста миёни ҳам рақобат намуданд.

Мусобиқаи волейбол миёни бонувон 10 рӯз идома карда, дар натиҷа дастаи Кӯмаки аввалияи тиббию санитарӣ сазовори ҷои аввал, дастаи Донишгоҳи давлатии Данғара мақоми дуввум ва дастаи Беморхонаи ҷумҳуриявии клиникии ноҳияи Данғара зинаи сеюмро соҳиб гардиданд.

Дар охир ғолибон бо сипосномаву дигар туҳфаҳои хотиравӣ сарфароз гардонида шуданд.