Ба ифтихори 30 - солагии Истиқлолияти давлатии Ҷумҳурии Тоҷикистон дар шаҳри Хоруғи Вилояти Мухтори Кӯҳистони Бадахшон байни 21 дастаи ҷавонон мусобиқаи футбол баргузор мегардад.

Тавре мудири Бахши кор бо ҷавонон ва варзиши шаҳр Имомёрбек Имомёрбеков иттилоъ дод, бозии варзишӣ бо ҳадафи рушди бозии футбол ва оммавияти варзиш дар доираи нақшаи чорабиниҳои Кумитаи кор бо ҷавонон ва варзиши мамлакат рӯи кор омада, он то моҳи майи соли равон идома меёбад.

Мусобиқа бо усули “Деҳа ба деҳа” гузаронида шуда, ғолибонро Ҷом, медал, ифтихорнома ва туҳфаҳои хотиравӣ интизор аст.