ВАРЗИШ
Душанбе 21 Май 2018 03:47
4148
Наврасони Академияи футболи Федератсияи футболи Тоҷикистон (U-15) дидори ниҳоияшро дар мусобиқаи байналмилалӣ оид ба футбол барои дарёфти Ҷоми шаҳрдори Бишкек бар муқобили тими мунтахаби Бишкеки Қирғизистон баргузор намуд. Дидори мазкур бо ҳисоби 2-1 ба фоидаи соҳибони майдон ба наҷом расид.

Дастаи якачини наврасони Академияи футболи Федератсияи футболи Тоҷикистон (U-15) дар мусобиқаи байналмилалӣ барои дарёфти Ҷоми шаҳрдори Бишкек, ки дар пойтахти Қирғизистон ҷараён гирифт, ду бозиашонро бо ғалаба ва дар якташ мағлуб гардида, бо гирифтани 6 хол сазовори ҷойи дуюм гардиданд.

Футболбозони навраси тоҷик, зери раҳбарии Рустам Қурбонов ва Далер Каёсов нахустин бозии худро бар муқобили тими мунтахаби наврасони вилояти Чуйи Қирғизистон доир намуда, бо ҳисоби 3:0 пирӯз шуданд. Дар даври дуюми чорабинӣ тими Академияи футболи ФФТ бо дастпарварони бошгоҳи “Велвет” -и Қазоқистон сабқат намуда, бо ҳисоби бузурги 6:0 ғолиб омаданд.

Ёдовар мешавем, ки мусобиқаи мазкур бахшида ба ҷашни 140-солагии шаҳри Бишкек доир гардида, дар он дастаҳои Академияи футболи Федератсияи футболи Тоҷикистон, ду тим аз Қирғизистон ва як даста аз Қазоқистон бо номи “Велвет” ширкат намуданд.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Май 2018 c.