ВАРЗИШ
Шанбе 21 Апрел 2018 06:50
4133
Дастаи якачини наврасони Академияи футболи Федератсияи футболи Тоҷикистон (U-15) дар мусобиқаи байналмилалӣ барои дарёфти Ҷоми шаҳрдори Бишкек, ки дар пойтахти Қирғизистон идома дорад, ду бозиашонро бо ғалаба анҷом доданд.

Футболбозони навраси тоҷик, зери раҳбарии Рустам Қурбонов ва Далер Каёсов нахустин бозии худро бар муқобили тими мунтахаби наврасони вилояти Чуйи Қирғизистон доир намуда, бо ҳисоби 3:0 пирӯз шуданд.

Дар даври дуюми чорабинӣ тими Академияи футболи ФФТ бо дастпарварони бошгоҳи “Велвет” -и Қазоқистон сабқат намуда, бо ҳисоби бузурги 6:0 ғолиб омаданд. Голҳоро Салоҳиддин Эргашев, Азиз Ҳаитов, Суҳроб Сафаров, Давлатбек Акрамов, Муиб Саидов ва Ҳикмат Хайруллозода ба номи худ сабт намуданд.

Мусобиқаи мазкур бахшида ба ҷашни 140-солагии шаҳри Бишкек буда, дар он дастаҳои Академияи футболи Федератсияи футболи Тоҷикистон, ду тим аз Қирғизистон ва як даста аз Қазоқистон бо номи “Велвет” иштирок доранд.

Имрӯз, 4-уми апрел, марҳилаи охирини мусобиқаи байналмилалӣ оид ба футбол барои дарёфти Ҷоми шаҳрдори Бишкек баргузор мешавад. Дар марҳилаи охирин рақиби футболбозони навраси тоҷик тими мунтахаби Бишкек мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Апрел 2018 c.