Тими миллии футболи Тоҷикистон мавқеи худро дар раддабандии нави ФИФА, ки дар сомонаи расмии Созмони ҷаҳонии футбол нашр шуд, беҳтар кард. Дар муқоиса бо раддабандии қаблӣ, тими миллии Тоҷикистон як зина боло рафт ва ҳоло бо 1224.93 хол дар ҷойи 100-ум қарор дорад.

Дар раддабандии нави ФИФА, Тоҷикистон байни дастаҳои қораи Осиё ҷойи 17-умро ишғол мекунад. Ин нишон медиҳад, ки тими миллии кишвар қадамҳои устувор ба сӯи рушди футбол дар сатҳи қораи Осиё ва ҷаҳон мегузорад. Мушоҳидаҳо нишон медиҳанд, ки натиҷаҳои мусбати даста дар мусобиқаҳои байналмилалӣ ва барномаи омодагӣ ба бозиҳои интихобӣ нақши муҳим доштанд.

Бод гуфт, ки тими миллии Тоҷикистон бозии навбатии худро дар даври ниҳоии марҳилаи интихобии Ҷоми Осиё-2027 дар шаҳри Ҳисор анҷом медиҳад. Дар ин бозӣ тими миллии кишвар бо мунтахаби Филиппин рақобат мекунад. Ин вохӯрӣ барои футболбозони тоҷик имконияти нишон додани маҳорати худ ва тақвият додани мавқеи кишвар дар раддабандии ҷаҳонӣ мебошад.

Қайд кардан зарур аст, ки ФИФА нашри навбатии раддабандии ҷаҳонро барои кишварҳои узви худ 1 апрел ба нақша гирифтааст. Ин раддабандӣ боз ҳам нишондиҳандаи руҳбаландӣ ва сатҳи омодагии дастаҳои миллӣ барои мусобиқаҳои байналмилалӣ хоҳад буд.

Яҳё МАҲМАДНАБИЕВ, “ҶТ”