ВАРЗИШ
Сешанбе 11 Декабр 2018 09:15
852
Тими мунтахаби духтаронаи мамлакат (U-14) ба даври нимфинали чемпионати минтақавии Осиё дар минтақаҳои Ҷанубӣ ва Марказӣ роҳхат гирифтанд. Футболбоздухтарони навраси кишвар дар даври охирини гурӯҳи "А" бозиро бо ҳамсолонашон аз Қирғизистон мусовӣ - 1:1 анҷом доданд. Дар бозии дигари гурӯҳ Эрон ба дарвозаи Бутан 7 голи беҷавоб зад.

Ҳамин тариқ, дар гурӯҳи "А" Эрон бо 9 хол ҷои аввалро гирифт. Тими Тоҷикистон, ки 4 хол ба даст овард, дар мақоми дуюм ҷой ёфт. Бутан бо 3 хол сазовори ҷои сеюм ва Қирғизистон бо 1 хол сазовори мақоми чорум гаштанд.

Чемпиони феълии мусобиқа - тими духтаронаи Бангладеш ба дарвозаи Непал 9 голи беҷавоб зада, дар гурӯҳи "В" ҷои аввалро сазовор шуд. Ҳиндустон бо 3 хол дар зинаи дуюм ва Непал, ки ягон хол ба даст наовард, дар зинаи охирин - сеюм ҷой гирифтанд.

Дар нимфинал, ки рӯзи шанбе - 30 апрел баргузор мегардад, Тоҷикистон бо Бангладеш дар варзишгоҳи "Авиатор"-и пойтахт ва Эрон бо Ҳиндустон дар майдони Академияи "Истиқлол" дар дараи Алмосии Ҳисор вомехуранд.

Бозии ниҳоӣ 1 май дар варзишгоҳи "Авиатор" ба нақша гирифта шудааст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.