Муҳаммадҷон Раҳимов нимҳимоятгари 24-солаи дастаи мунтахаби миллии Тоҷикистон ба дастаи “Насаф”-и шаҳри Қаршии Ӯзбекистон, ки дар мавсими нави Суперлигаи ин кишвар бозӣ мекунад, қарордоди ҳамкорӣ имзо кард.

Дар ин бора Федератсия футболи Тоҷикистон хабар дод.

Бояд гуфт, ки шартномаи Муҳаммадҷон Раҳимов бо “Насаф” то охири соли 2023 муҳлат дорад.

Қаблан Раҳимов дар дастаҳои “Равшан”, “Ҳосилот” ва “Истиқлол”-и Тоҷикистон, инчунин дар “Ордабаси”-и Қазоқистон бозӣ кардааст.

Муҳаммадҷон Раҳимов аз соли 2016 дар ҳайати дастаи мунтахаби миллии Тоҷикистон бозӣ мекунад. Дар ин муддат ӯ дар ҳайати дастаи мунтахаби кишвар 42 вохӯрӣ анҷом дода, ду гол задааст.