ВАРЗИШ
Якшанбе 07 Декабр 2025 08:15
10 ноябр дар меҳмонхонаи “Ҳаят Реҷенсӣ”-и шаҳри Душанбе маросими ифтитоҳи расмии Мусобиқаи байналмилалӣ оид ба шоҳмот барои дарёфти “Ҷоми Президенти Ҷумҳурии Тоҷикистон” баргузор гардид. Чорабинии мазкур дар доираи сиёсати хирадмандона ва варзишпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, тибқи тақвими Федератсияи байналмилалии шоҳмот (FIDE) ва Нақшаи ягонаи чорабиниҳои варзишии кишвар барои соли 2025 ба роҳ монда шудааст.
Мусобиқа аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи шоҳмоти Тоҷикистон ташкил гардида, рӯзҳои 9-16 ноябр идома хоҳад ёфт. Бино ба иттилои масъулин дар ин мусобиқа беш аз 250 варзишгар аз 16 кишвари ҷаҳон ширкат меварзанд. Ҳузури теъдоди зиёди иштирокчиён шаҳодат аз ҷойгоҳи рӯзафзуни Тоҷикистон дар харитаи чорабиниҳои сатҳи байналмилалии шоҳмот мебошад.
Баргузории мусобиқа ба Рӯзи Президенти Ҷумҳурии Тоҷикистон рост омада, ҳадафи он на танҳо рақобати варзишӣ, балки рушди минбаъдаи шоҳмот дар кишвар, тавсеаи ҳамкориҳои байналмилалӣ ва тарғиби тарзи ҳаёти солим миёни ҷавонон ба шумор меравад.
Дар маросими расмии ифтитоҳ Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Раҳмонзода Абдулло Қурбоналӣ, раиси Кумитаи кор бо ҷавонон ва варзиши назди Ҳукумати Ҷумҳури Тоҷикистон, Гулаҳмадзода Зулфиқор Аҳмад ва раиси Федератсияи шоҳмоти Тоҷикистон Зафар Мирзо ширкат ва суханронӣ карданд.
Таъкид карда шуд, ки бо дастгирӣ ва таваҷҷуҳи Пешвои миллат ба варзиш, ки яке аз бахшҳои муҳими сиёсати иҷтимоии давлат аст, имкониятҳои нави рушди шоҳмот дар Тоҷикистон фароҳам шудааст. Баргузории чунин мусобиқаҳо омили асли барои баланд бардоштани сатҳи касбии шоҳмотбозони тоҷик, омодасозии насли нав барои арсаи байналмилалӣ, муаррифии шоистаи Ҷумҳурии Тоҷикистон дар ҷаҳон унвон гардид.
Ба гуфтаи масъулин, мусобиқа бо фарогирии ҳам бозигарони сатҳи баланд ва ҳам шуруъкунандагон сурат гирифта, барои таҷдиди назар дар омодагии минбаъда, табодули таҷриба ва таҳкими робитаҳои варзишӣ миёни кишварҳо замина мегузорад.
Яҳё МАҲМАДНАБИЕВ, “ҶТ”
Мусобиқа аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи шоҳмоти Тоҷикистон ташкил гардида, рӯзҳои 9-16 ноябр идома хоҳад ёфт. Бино ба иттилои масъулин дар ин мусобиқа беш аз 250 варзишгар аз 16 кишвари ҷаҳон ширкат меварзанд. Ҳузури теъдоди зиёди иштирокчиён шаҳодат аз ҷойгоҳи рӯзафзуни Тоҷикистон дар харитаи чорабиниҳои сатҳи байналмилалии шоҳмот мебошад.
Баргузории мусобиқа ба Рӯзи Президенти Ҷумҳурии Тоҷикистон рост омада, ҳадафи он на танҳо рақобати варзишӣ, балки рушди минбаъдаи шоҳмот дар кишвар, тавсеаи ҳамкориҳои байналмилалӣ ва тарғиби тарзи ҳаёти солим миёни ҷавонон ба шумор меравад.
Дар маросими расмии ифтитоҳ Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Раҳмонзода Абдулло Қурбоналӣ, раиси Кумитаи кор бо ҷавонон ва варзиши назди Ҳукумати Ҷумҳури Тоҷикистон, Гулаҳмадзода Зулфиқор Аҳмад ва раиси Федератсияи шоҳмоти Тоҷикистон Зафар Мирзо ширкат ва суханронӣ карданд.
Таъкид карда шуд, ки бо дастгирӣ ва таваҷҷуҳи Пешвои миллат ба варзиш, ки яке аз бахшҳои муҳими сиёсати иҷтимоии давлат аст, имкониятҳои нави рушди шоҳмот дар Тоҷикистон фароҳам шудааст. Баргузории чунин мусобиқаҳо омили асли барои баланд бардоштани сатҳи касбии шоҳмотбозони тоҷик, омодасозии насли нав барои арсаи байналмилалӣ, муаррифии шоистаи Ҷумҳурии Тоҷикистон дар ҷаҳон унвон гардид.
Ба гуфтаи масъулин, мусобиқа бо фарогирии ҳам бозигарони сатҳи баланд ва ҳам шуруъкунандагон сурат гирифта, барои таҷдиди назар дар омодагии минбаъда, табодули таҷриба ва таҳкими робитаҳои варзишӣ миёни кишварҳо замина мегузорад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед