Ба ифихори 30 – солагии Истиқлолияти давлатии Ҷумҳурии Тоҷикистон ва Рӯзи варзишгарон дар Ҷамоати деҳоти Аскар Замирови ноҳияи Ишкошим байни 12 дастаи ҷавонон мусобиқаи футбол баргузор гашт.

Тавре директори мактаби варзишии ноҳия Зокир Куйбеков иттилоъ дод, мусобиқаи ноҳиявиро ҷавонони бурунмарзӣ, ки зодагони Ишкошиманд дар ҳамкорӣ бо мактаби болозикр, Бахши кор бо ҷавонон ва варзиши ноҳия ташкилу доир намуданд.

Мусобиқа аз рӯи усули “Деҳа ба деҳа” сурат гирифта, ҳадафи асосии он тақвияти тарзи ҳаёти солим, рушди бозии футбол ва таҳкими иттиҳоди ҷавонон мебошад.

Аз рӯи натиҷаҳои даври ниҳоӣ ҷойи якумро тими “Чашма” соҳиб шуда, Ҷоми мусобиқаро ба даст овард. Зинаи дуюм бошад, насиби дастаи “Сениб” гардид.

Ғолибон бо медалу ифтихорномаҳо мушарраф шуданд.