МУАЛЛИФ: ШЕРАЛӢ АЗИМӢ

19-26 феврали соли ҷорӣ дар шаҳри Саппорои Ҷопон VIII-умин Бозиҳои зимистонаи Осиё баргузор мегардад, ки дар он варзишагарон аз 29 давлати Осиё, Австралия ва Зеландияи Нав иштирок менамоянд.

Тоҷикистонро варзишгарони кишвар дар ҳайати Соҳибназари Турсунмурод, Баракатулло Зокиров, Сайфиддини Низомиддин ва Баҳриддин Ғоибов дар намудҳои лижаронии куҳӣ муаррифӣ менамоянд.

Ба барномаи Бозиҳои зимистонаи Осиё 11 намуди варзиш, ҷумла биатлон, лижаронии кӯҳӣ, киёлинг, скитинг, сновборд, рақси рӯи ях, чавгонбозӣ дохиланд.
Имрӯз, 17 феврал, маросими парчамбардории Ҷумҳурии Тоҷикистон баргузор шуда, 21 феврал қуррапартоӣ доир мегардад.

Айни замон варзишгарони мо дар меҳмонхонаи “APA Hotel” қарор дошта, ба сабқатҳо омодагӣ мебинанд. Онҳо рӯзҳои 22 ва 24 феврал аз намуди лижаронии кӯҳӣ рақобат хоҳанд кард.

Сафари ҳайати Тоҷикистонро Ассотсиатсияи миллии намудҳои зимистонаи варзиши Тоҷикистон сарпарастӣ намуда, варзишгарон бо тамоми лавозимоти муосири варзишӣ таъминанд.