22 феврал мусобиқа дар намуди лижаронии кӯҳӣ оид ба Gigant Slalom дар Бозиҳои XVIII зимистонаи Осиё, ки дар шаҳри Саппорои Ҷопон ҷараён дорад, ба анҷом расид.

Дар ин мусобиқа 44 варзишгар иштирок намуданд. Муҳамадшо Абдуллоев, котиби генералии Кумитаи миллии олимпии Тоҷикистон хабар додааст, ки варзишгарони тоҷик дар ҳайати Соҳибназари Турсунмурод, Баракатулло Зокиров, Сайфиддини Низомиддин ва Баҳриддин Ғоибов мақомҳои 20, 21, 22 ва 23-юмро ишғол намуданд. 11 варзишгар ба марра нарасиданд ва ду нафари дигар аз мусобиқот берун карда шуданд.

Мақоми аввалро дар намуди Gigant Slalom варзишгари ҷопонӣ Кояма Юхей, мақоми дуюмро Ким Хён-Таэ аз Кореяи Ҷанубӣ ва ҷои сеюмро Нарита Хидейюки аз Ҷопон ишғол намуданд.

Мусобиқаи навбатии варзишгарони тоҷик фардо, 24-уми феврал, дар намуди варзиши лижаронии кӯҳӣ оид ба Small Slalom баргузор хоҳад шуд.

VIII-умин Бозиҳои зимистонаи Осиё 19 феврал дар шаҳри Саппорои Ҷопон оғоз гардида, то 26 феврал идома меёбад. Дар мусобиқот ҳудуди 2000 варзишгару мураббиён дар ҳайати 36 даста иштирок доранд.