Ба ифтихори “Соли ҷавонон” ва баҳри дарёфти Ҷоми “Миргул Қурбонасейнов” дар шаҳри Хоруғ мусобиқаи вилоятии футбол доир гардид, ки дар он 16 даста байни ҳам рақобат намуданд.

Мусобиқа бо ибтикори ҷавонони маҳаллаи “Гӯлакен” ташкил гардида, дар даври ниҳоии он 10 000 нафар мухлисон аз шаҳру ноҳияҳои ВМКБ ширкат доштанд.

Аз рӯи натиҷаҳои даври нимниҳоӣ дастаҳои “Бархоруғ” ба “Шошхоруғ” (4:3) ва “Поршинев” ба “Гӯлакен” (3:0) ғалаба карданд.

Дар даври ниҳоӣ бошад тими “Бархоруғ” бо “Поршинев” рақобат карда, дастаи рақибро бо ҳисоби 2:1 мағлуб намуд ва соҳиби Ҷоми “Миргул Қурбонасейнов” гардид.

Ғолибон бо тӯҳфаҳои хотиравӣ ва мукофоти пулӣ қадрдонӣ шуданд.

Машҳур ИМОМНАЗАРОВ, “ҶТ”