Дар заминаи иҷрои нақшаи кории Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои нимсолаи якуми соли 2019 ва давраи таътили зимистона дар шаҳру ноҳияҳои ВМКБ силсилачорабиниҳои оммавӣ – варзишӣ баргузор мегарданд.

Тавре сардори Раёсати кор бо ҷавонон ва варзиши вилоят Сураҷ Чоршанбиев иттилоъ дод, мусобиқаҳо аз рӯи намудҳои ҳархела бо мақсади таҳкими тарзи ҳаёти солим, рушду инкишофи варзиш байни наврасону ҷавонон, хоса хонандагони муассисаҳои таҳсилоти миёнаи умумии вилоят роҳандозӣ шуданд.

Мавриди қайд аст, ки ҳоло мусобиқаҳои тенниси рӯи миз, волейбол, басакетбол, футболи хурд шоҳмот ва ғайра дар шаҳри Хоруғ доир гашта, дар дигар ноҳияҳои вилоят идома доранд.