Дар шаҳри Хуҷанд бо мақсади татбиқи Барномаи маҳаллии рушди футбол барои солҳои 2017-2021 аз санаи 20 сентябр то 2 октябри соли равон мусобиқаи варзишӣ оид ба футбол миёни мактаббачагони соли таваллудашон 2003-2004 доир гардид.

Мусобиқаи мазкур бо ташаббуси Бахши кор бо ҷавонон ва варзиш ва шӯъбаи маорифи шаҳр бахшида ба “Соли рушди сайёҳӣ ва ҳунарҳои мардумӣ” баргузор гардида, дар он 26 даста иштирок намуданд.

Қувваозмоиҳо дар сатҳи баланд ҷараён гирифта, дар натиҷа ғолибон муайян ва бо ҷом, медал ва туҳфаҳои хотиравӣ қадрдонӣ гардиданд.

Натиҷаи мусобиқаи мазкур:
Ҷои якум Гимназияи 4
Ҷои дуюм Гимназияи 1
Ҷои сеюм Литсейи донишкадаи политехникӣ