16 апрел дар доираи нақша – чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва бо мақсади татбиқи "Барномаи рушди футбол дар Ҷумҳурии Тоҷикистон барои солҳои 2022-2026" Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати кишвар дар якҷоягӣ бо Холзода Каромиддин, раиси ноҳияи Лахш дар шаҳраки Ваҳдати ноҳия бо шароити варзишии Варзишгоҳи марказии ноҳия шинос шуда, дар саҳни он бо ҷамъе аз наврасону ҷавонон, варзишгарон ва дӯстдорони футбол мулоқот намуд.

Раиси Кумита ҳозиринро ба истиқболи Рӯзи ҷаҳонии футбол шодбош гуфта, қайд кард, ки футбол яке аз намудҳои рушдёфтаи варзиш дар қаламрави Тоҷикистон ба ҳисоб рафта, дар миёни аҳолӣ нисбат ба дигар намудҳои варзиш маҳбубияти зиёд касб намудааст.

Ҳамзамон, таъкид намуданд, ки варзиш дар қатори дигар соҳаҳои муҳими ҷамъиятӣ дар рушду такомул ва шахсиятсозӣ нақши бориз дошта, муаррифгарӣ миллат ва давлат мебошад. Варзиш ба ҷуз аз оне ки шахсият месозад, боз ба ҷомеа имконияти шахсиятҳоро муаррифӣ кардан дорад. Ин омил сабаб мешавад, ки ҳар оина ҷавонони кишвар номбардор ва номоварӣ варзиши миллӣ бошанд.

Сипас, ба чанде аз фаъолон туҳфаҳои хотиравӣ ва лавозимоти варзишӣ эҳдо карда шуд.