ВАРЗИШ
Панҷшанбе 19 Июл 2018 06:46
4338
Марҳилаи дуюм ва даври ҳаштуми чемпионати кишвар оид ба футбол миёни дастаҳои лигаи олӣ рӯзи 12-уми май оғоз ёфт.

Дар ин давр се бозӣ рӯзҳои 12-13-уми май баргузор гардиданд.

Тими “Кӯктош”-и ноҳияи Рӯдакӣ дар майдони худ дастаи “Барқчӣ”-и шаҳри Ҳисорро пазируфта, бо ҳисоби 1:0 мағлуб кард. Дидори мазкур рӯзи 12-уми май доир гардида, голи ягонаи бозиро легионери “Кӯктош” аз Узбекистон Муҳиддин Одилов вориди дарвозаи ҳариф намуд.

Бозии дигари даври мазкур, миёни бошгоҳҳои “Панҷшер”-и ноҳияи Ҷалолиддини Балхӣ ва “Хуҷанд”-и шаҳри Хуҷанд мусовӣ 0:0 ба поён расид.

Рақобати дастаҳои “Хатлон”-и шаҳри Бохтар ва “Регар-ТадАЗ”-и шаҳри Турсунзода ҷолибу дидани ҷараён гирифта, бозӣ бо ғалабаи соҳибони майдон тими “Хатлон” 2:0 хотима ёфт. Ҳарду голро нимҳимоятгари дастаи “Хатлон” Кароматулло Саидов дар дақиқаҳои 6 ва 58-ум ба самар расонд.

Баъди натиҷагирии даври ҳаштуми лигаи олӣ дар ҷадвали мусобиқа дастаҳои “Хуҷанд”-и шаҳри Хуҷанд ва “Истиқлол”-и шаҳри Душанбе (7 бозӣ) бо 17-имтиёзӣ пешсаф буда, бошгоҳи “Хатлон”-и шаҳри Бохтар бо касби 13 хол дар мавқеи сеюм қарор дорад.

Бозиҳои даври нуҳуми чемпионати кишвар оид ба футбол рӯзҳои 19-21-уми май баргузор мешаванд. Дар ин давр дастаҳои “Хуҷанд” бо “Кӯктош”, “Барқчӣ” бо “Хатлон”, “Регар-ТадАЗ” бо ССКА “Помир” ва “Истиқлол” бо “Панҷшер” сабқат менамоянд.

Нишонзанҳо: Наврӯз Рустамов ("Хатлон"), Ҷаҳонгир Эргашев ("Хуҷанд") – 5-тӯбӣ.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Июл 2018 c.