Кумитаи тадорукоти Бозиҳои олимпии соли 2020 дар Токио (Ҷопон), логотипи нави мусобиқаҳоро муаррифӣ кард. Нишони пешини бозиҳо плагиат дониста шуда буд.

Нишони нави олимпиадаи Токио куррашакл буда, аз давраи бо хонаҳои шоҳмот таркибёфта иборат аст. Ранги нишон нилгун мебошад. Ҳар росткунҷа ифодакунандаи кишварҳои гуногун, фарҳангҳо, гуногунии ҷаҳон ва муттаҳид шудан атрофи варзишро инъикос мекунад. Муаллифи нишон рассом Асао Токоро кори худро "Нишони ҳамоҳангии хоначаҳо" номидааст.

Логотипи қаблӣ 24 июли соли 2015 муаррифӣ шуда буд. Нишони олимпиада ҳарфи "Т" интихоб шуда буд, ки аз фигураҳои геометрии дорои рангҳои сиёҳ, сурх, тилоӣ ва хокистарӣ дар фони сафед сохта шуда буд. Баъд аз чанд рӯз тарроҳи белгиягӣ Оливе Дебӣ хабар дод, ки ин нишонро ду сол қабл барои театр офарида буд.

Кумитаи тадорукот ҷаласаи фаврӣ доир карда, қарор намуд, ки логотип иваз карда шавад.

Бозиҳои олимпии соли 2020 аз 24 июл то 9 август ва бозиҳои паралимпӣ аз 25 август то 6 сентябр дар пойтахти Ҷопон доир мегардад.