ВАРЗИШ
Сешанбе 17 Июл 2018 04:31
4335
Тими мунтахаби наврасони то 16-солаи кишвар оид ба футбол бо роҳбарии Зайниддин Раҳимов дар мусобиқаи байналмилалии футбол миёни наврасон, ки дар кишвари Сербия аз 9 то 13-уми май баргузор шуд, соҳиби медали нуқра гардиданд.

Наврасони тоҷик дар марҳилаи охирини мусобиқаи мазкур 13-уми май бо тими Ҳиндустон рақобат намуда, бо ҳисоби 4-2 шикаст хурданд ва бо касби 4 имтиёз мавқеи дуюмро сазовор гаштанд.

Голҳои мунтахаби Тоҷикистонро Рустам Соиров ва Эмомалӣ Аҳмадҷон ба самар расониданд.

Рустам Соиров футболбози дастаи наврасони то 16-солаи кишвар дар ин мусобиқаи байналмилалӣ ба задани 3 гол даст ёфта, беҳтарин ҳамлагари мусобиқа дониста шуд ва бо мукофоти хотиравӣ қадрдонӣ гардид.

Тими наврасони то -16 солаи кишвар дар мусобиқаи байналмилалӣ, ки дар шаҳрчаи Стара-Пазоваи наздики Белград, пойтахи Сербия ҷараён гирифт, дар се дидор-бозии нахустинро бо соҳибони майдон, тими Сербия (1-1), дидори дуюмро бо мунтахаби Урдун (2-1) ва рақобати сеюмро бо тими Ҳиндустон (2-4) анҷом доданд.

Ёдовар мешавем, ки мусобиқаи мазкур барои дастаи миллии наврасони то 16-солаи Тоҷикистон яке аз марҳилаҳои омодагӣ ба даври ниҳоии қаҳрамонии Осиё-2018 маҳсуб меёбад.

Марҳилаи ниҳоии чемпионати Осиё-2018 оид ба футбол, аз 20-уми сентябр то 7-уми октябри соли ҷорӣ дар давлати Малайзия баргузор мегардад. Наврасони то 16-солаи Тоҷикистон дар гурӯҳи “А” бо ҳамсолони худ тимҳои Малайзия, Ҷопон ва Таиланд мубориза мебаранд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Июл 2018 c.