Дирӯз, 7-уми декабр, дар ноҳияи Фирдавсии шаҳри Душанбе қисми ниҳоии мусобиқаи ноҳиявӣ оид ба футболи хурд миёни кормандони ташкилоту идораҳо, ҳифзи ҳуқуқ ва сохторҳои қудратӣ барои дарёфти Ҷоми раиси ноҳияи Фирдавсӣ баргузор гардид.

Мусобиқа 23-юми ноябр шуруъ шуда, дар он 8 даста иштирок карданд.

Дар финал дастаҳои Мақомоти иҷроияи маҳаллии ҳокимияти давлатӣ дар ноҳияи Фирдавсӣ ва Суди ноҳияи Фирдавсӣ байни ҳам қувваозмоӣ намуданд. Дар натиҷа дастаи Мақомоти иҷроияи маҳаллии ҳокимияти давлатӣ дар ноҳияи Фирдавсӣ ба дастаи Суди ноҳия бо ҳисоби 3:2 пирӯз гардида, соҳиби ҷом шуд.

Гуфта шуд, ки чорабинии мазкур бори панҷум аст, ки доир мегардад ва дастаи Мақомоти иҷроияи маҳаллии ҳокимияти давлатӣ дар ноҳияи Фирдавсӣ бори аввал сазовори ҷом гардид. Масъулин мақсад ва ҳадафи асосии баргузории чорабинии мазкурро, пеш аз ҳама тарғиби тарзи ҳаёти солим, бедор сохтани ҳисси ватандӯстӣ ва афзун гардонидани дӯстӣ байни хизматчиёни давлатӣ арзёбӣ карданд.