ВАРЗИШ
Шанбе 13 Июл 2024 01:46
5513
Бо фарогирии зиёда аз 60 нафар варзишгар дар толори Маркази ҷавонони ноҳияи Рӯшон бахшида ба 26 - солагии таъсисёбии Қувваҳои мусаллаҳи Ҷумҳурии Тоҷикистон мусобиқаи ноҳиявӣ аз намуди тенниси рӯи миз гузаронида шуд.

Чорабинӣ бо ташаббуси Бахши кор бо ҷавонон ва варзиши ноҳия асосан байни наврасону ҷавонони ҷамоатҳои Назаршо Додихудоев, Рӯшону Пастхуф сурат гирифта, максад аз баргузории он ҷалби наслҳо ба машғулиятҳои мунтазами тарбияи ҷисмонӣ ва варзиш, тарғибу ташвиқи тенниси рӯи миз дар тамоми ҷамоату деҳаҳои ноҳия, мустаҳкам намудани алоқаи дӯстӣ байни варзишгарон, баланд бардоштани маҳорати варзишии онҳо ва муайян намудани дастаи мунтахаби ноҳия оид ба ин намуди варзиш арзёбӣ гашт.

Мувофиқи натиҷаҳои охири бозӣ Аловатшо Аловатшоев аз ҷамоати Н. Додихудоев сазовори ҷои аввал ва Меҳралӣ Назарилиев, Самир Алимамадов аз ҷамоатҳои Рӯшону Пастхуф зинаҳои дуюм ва сеюмро соҳиб шуданд.

Ба ғолибон аз ҷониби бахш ифтихорномаю мукофотпулӣ тақдим гардид.

Эзоҳи худро нависед



Рамзҳо дар расм