ВАРЗИШ
Шанбе 27 Феврал 2021 04:54
3900
Тавре иттилоъ дода будем, варзишгарони тоҷик дар Гранд Слами ҷудо, ки 23-25 феврал дар шаҳри Дусселдорфи Олмон баргузор гардид, иштирок карданд.

Ба ҳайати тими ҷудокорони тоҷик Беҳрӯз Хоҷазода, Асадулло Тоҳиров (-73 кило), Кароматулло Ҳакимов, Ҷаҳонгир Маҷидов (-81 кило), Комроншоҳ Устопириён (-90 кило) ва Темур Раҳимов (-100 кило) шомил буданд.

Беҳрӯз Хоҷазода, паҳлавони номдори тоҷик, ки шуруъ аз оғози соли 2018 дар риштаи ҷудо рақобатҳоро оғоз намудааст, дар вазни 73 кило Шамил Дзавбатирови олмонӣ ва Марсел Серкеаи руминиягиро шикаст дод. Беҳрӯз дар вохӯрии сеюми худ рақобатро дар муқобили Рустам Оруҷов, паҳлавони Озарбойҷон бохт. Хоҷазода бо ду пирӯзӣ ва як бохт аз мусобиқаи мазкур 160 хол ба даст овард.

Паҳлавони дигари тоҷик Асадулло Тоҳиров бошад, дар қувваозмоии нахустин аз паҳлавони ҷопонӣ Шоҳей Оно, қаҳрамони Бозиҳои олимпии Рио-де-Жанейро -2016 шикаст хурд.

Ҷаҳонгир Маҷидов, ки шуруъ аз мавсими нави гӯштин қувваозмоиҳояшро миёни калонсолон оғоз намуд, дар вазни 81 кило аз паҳлавони фаронсавӣ Алфа Умар Ҷало мағлуб гашт. Паҳлавони дигари тоҷик Кароматулло Ҳакимов, ки дар вазни 81 кило ба майдон баромад, дар даври аввал бар Калонҷи Мбуйи пирӯз шуда, дар рақобати дуюм аз Аслан Лаппинагови рус мағлуб шуд.

Комроншоҳи Устопириён бошад, дар вазни 90 кило рақобатҳоро аз даври дуюм оғоз намуда, бо се пирӯзӣ ва ду бохт дар зинаи панҷум қарор гирифт. Ӯ Юрий Мокану (Молдавияа), Ҷеспер Сминки (Голландия) ва Дмитрий Довгани русиягиро мағлуб намуда, дар даври ниманиҳоӣ аз Машу Бакери ҷопонӣ шикаст хӯрд. Комроншоҳ қувваозмоиро барои зинаи сеюм бар паҳлавони муғул Алтанбагана Гантулга бохт.

Паҳлавони дигари тоҷик Темур Раҳимов, ки дар вазни 100 кило дар даври аввал озод буд, рақобати дуюмро дар муқобили Бенҷамин Флетчер варзишгари Ирландия бохт.

Дар мусобиқаи мазкур наздики 500 нафар варзишгар аз 65 кишвари ҷаҳон ширкат намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.