Ду тан аз варзишгарони шаҳри Сарбанд Тоҳир Худойбердиев ва Ҷалил Ҳикматов дар мусобиқаи мототсиклронӣ аз рӯйи иқтидори муайяни муҳаррики мототсиклҳо ҷойхои аввалро сазовор гаштанд.

Ин мусобиқа дар сатҳи ҷумҳурӣ дар доираи чорабиниҳо бахшида ба ҷашни Наврӯз ва «Соли ҷавонон» чанд рӯз қабл дар пойгоҳи мототсиклронии шаҳри Сарбанд дар миёни варзишгарони дастаҳои беҳтарини ташкилотҳои Ҷамъияти мададгори мудофиаи Ҷумҳурии Тоҷикистон баргузор гардид.

Дар зӯрозмоии даставӣ варзишгарони шаҳри Душанбе ҷойи аввал, шаҳри Турсунзода ҷойи дуюм ва шаҳри Сарбанд мақоми сеюмро касб намуданд.

Ба иттилои Гулшан Ғуломова, раиси кумитаи шаҳрии ҷамъияти номбурда мусобиқаро 10 ҳазор дӯстдорони ин навъи варзиш тамошо карданд. Ҳадаф аз баргузории мусобиқаи мазкур инкишофи ҳамаҷонибаи варзиш, дарёфти варзишгарони пурқувват  мебошад.

Умед МИРЗОЕВ,"ҶТ"