Дар Маҷмааи варзишии шаҳри Хоруғ марҳилаи дуюми “Фестивали бозиҳои миллии варзишӣ” бо ширкати зиёда аз 180 нафар варзишгарони шаҳру ноҳияҳои ВМКБ оғоз шуд.

Чорабинии варзиширо муовини раиси шаҳри Хоруғ Райҳонбегим Мавлобахшзода ва сардори Раёсати кор бо ҷавонон ва варзиши вилоят Сураҷ Чоршанбиев кушода эълон карда, баҳри мақсаднок баргузор намудани он ба ҳамаи варзишгарон барору комёбиҳо таманно намуданд.

Дар фестивал асосан ҷавонону наврасон аз рӯи намудҳои гӯштини миллӣ, бандкашӣ, дастхобонӣ, варзиши сабук (давидан ба масофаҳои гуногун), вазнбардорӣ ва шоҳмотбозӣ бо ҳам рақобату қувваозмоӣ мекунанд.

Бояд гуфт, ки марҳилаи ниҳоии фестивал моҳи декабри соли равон дар шаҳри Душанбе сурат мегирад ва танҳо ғолибони бозиҳои фестивали вилоятӣ ҳаққи иштирок дар онро доранд.