Имруз, 29 июл дар соҳили Сирдарёи шаҳри Хуҷанд мусобиқаи ҷумҳуриявӣ оид ба волейболи соҳилӣ байни мардон ва занон оғоз гардид, ки он то санаи 31 июл идома меёбад.

Дар мусобиқаи мазкур ду даста аз вилояти Суғд, 2 даста аз вилояти Хатлон, 2 даста аз шаҳри Душанбе ва як даста аз вилояти Мухтори Кӯҳистони Бадахшон иштирок доранд.

-Мақсад аз баргузори мусобиқа тарғибу ташвиқи волейболи соҳилӣ байни мардон ва занон, мустаҳакам намудани дӯстӣ байни варзишгарон ва муайян намудани узви дастаи мунтахаби Ҷумҳурии Тоҷикистон аст гуфт,- Бахтиёр Исматҷонов, мудири бахши ҷавонон, варзиш ва сайёҳии шаҳри Хуҷанд.