Имрӯз, 16 январ дар толори Муасиссаи давлатии “Маркази ҷумҳуриявии омодагии олимпии дастаҳои мунтахаб” маросими ҷоизасупории дастаҳои ғолиби мусобиқаи Ҷоми “Пайравони Пешвои миллат” дар фазои тантанавӣ ҷамъбаст гардид.

Дар ифтитоҳи чорабинӣ раиси Кумитаи кор бо ҷавонон ва варзиши назди Ҳукумати кишвар Аҳтам Абдуллозода суханронӣ намуда, қайд кард, ки: “Бо шукргузорӣ аз сулҳу субот ва ваҳдати комили давлат, ҷавонони саодатманд ва варзишгарони комёби даврони истиқлол имрӯз зери Парчами муқаддаси диёр сарҷамъ шуда, бо эҳсоси баланди ватандӯстиву хештаншиносӣ, эҳтиром гузоштан ба муқаддасоти миллӣ, забон ва густариши фарҳанги аҷдодӣ саъю талош варзида, дар тамоми ҷабҳаҳои ҳаётан муҳими ҷомеа фаъолона иштирок менамоянд”.

Мусобиқа барои дарёфти Ҷоми “Пайравони Пешвои миллат” аз 11 то 16 январи соли ҷорӣ баргузор гардида, дар он волонтёрони ташкилотҳои системаи кор бо ҷавонон ва варзиш, аз рӯи намуди футбол, тенниси рӯи миз ва шоҳмот миёни ҳам сабқат намуданд.

Аз намуди варзиши шоҳмот бо бартарии хело зиёд ҷойи аввал насиби Илҳомзода Марям, волонтёри ноҳияи Исмоили Сомонӣ гардид. Ҷои дуввум насиби Зинҳор Насриддинзода, волонтёри дастгоҳи марказии Кумитаи кор бо ҷавонон ва варзиш ва мақоми саввумро Иззатзода Баширхон, волонтиёри ноҳияи Исмоили Сомонӣ ва Меҳрона Ниёзова волонтёри дасгоҳи марказии Кумитаи кор бо ҷавонон ва варзиш марбути номи худ намуданд.

Аз руи намуди варзиши тенниси рӯи миз, зинаи аввал насиби Амиршо Муродов, волонтёр аз ноҳияи Сино, зинаи дуввум насиби Умаршо Раҷабов ва мақомҳои саввум насиби Азиза Қараева ва Исмоил Азизов волонтёрони дастгоҳи маркази Кумитаи кор бо ҷавонон ва варзиш гардиданд.

Дастаи “Маҳфили пайравони пешвои миллат” дар риштаи футбол мақоми аввалро ба даст овард. Ҷои дуввум насиби футболбозони “Лоиҳаи Сити корт” ва ҷои сеюм насиби тими "Волонтёрони маркази ҷавонони шаҳри Душанбе" гардид.

Инчунин Баротов Муқим, дарвозабони “Маҳфили пайравони Пешвои миллат” беҳтарин дарвозабони мусобиқа ва Саидзода Хурсандмурод аз тими “Маркази ҷавонони шаҳри Душанбе” беҳтарин бозингар интихоб шуданд. Унвони нишонзани беҳтаринро Меҳроб Қурбонов марбути номи худ кард.

Варзишгарони 5 ноҳияи дигар барои иштироки фаъолонаашон бо ифтихорномаҳо қадрдонӣ шуданд.

Дар охири чорабинӣ аз ҷониби Аҳтам Абдуллозода ба варзишгарон Одилҷон Сафаров унвони устоди варзиш аз намуди гӯштини миллӣ, Давлатҷон Камолов аз намуди гӯштини юнонӣ - румӣ, Матлуба Махшулова ва Эҳсон Одинаев аз риштаи волейбол, Ҷамшед Бобоалиев ва Шерзод Бердиев аз намуди баскетбол, Ардашер Гадоев аз шиноварӣ, Гулсумби Шарифова варзиши сабук ва Қурбонзода Маҳмадризо аз намуди гӯштини самбо унвони устоди варзиш супорида шуд.