Мадина Қурбонзода (-52 кг) паҳлавонбонуи тоҷик дар Ҷоми ҷудои Осиё миёни наврасон дар Тошканди Ӯзбекистон медали тилло ба даст овард.

То расодан ба ин дастоварди таърихӣ Мадина муқобили чор рақиб зафар ёфт.

Мадина Қурбонзода ба тозагӣ аниқтараш рӯзи 2 май дар Қасри теннис ва маҷмааи варзишҳои обии шаҳри Душанбе, ки сайри ҷаҳонии ҷудо- "Dushanbe Grand Slam 2025” сазовори нишони биринҷӣ гардида буд.

Он рӯз дар сабқати занон шаш бонуи тоҷик дар се вазн – 48 кг, 52 кг ва 57 кг - рақобат карданд. Аз ин миён танҳо ба Мадина Қурбонзода муяссар шуд, ки дар вазни 52 кило барои медал мубориза барад.

Дастоварди Мадина Қурбонзода дар соли равон танҳо бо гирифтани нишони биринҷӣ аз "Dushanbe Grand Slam 2025” ва нишони тиллои чемпионати Осиё хатм намегардад.

Ин Гурдофариди тоҷик, дар мусобиқаи бонуфузи “Antalya Millennium Team Cadet European Cup 2025”, ки моҳи марти соли равон баргузор гардида буд, ҳунарнамоии шоиста нишон дода, соҳиби нишони биринҷӣ гашт.

Мусобиқаи мазкур рӯзҳои 8-9 марти соли 2025 дар шаҳри Анталияи Туркия баргузор гардида, 448 ҷудокор (239 писар ва 209 духтар) аз 24 кишвари ҷаҳон барои ба даст овардани медалҳо рақобат карданд.

Бояд гуфт, ки Мадина Қурбонзода 17 сол дошта, зодаи ноҳияи Восеъ мебошад.

Яҳё МАҲМАДНАБИЕВ, “ҶТ”