Бо мақсади омодагии дастаи мунтахаби Тоҷикистон оид ба таеквондо (WT) ба мусобиқаҳои байналмилалӣ аз 22 декабри соли 2018 то 6 январи соли 2019 дар шаҳри Душанбе ҷамъомади машқию таълимӣ миёни ҷавонон ва калонсолон баргузор шуд.

Чорабинӣ бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар ҳамкорӣ бо Федератсияи таеквондои Тоҷикистон роҳандозӣ гардида, дар он варзишгарон дар ҳайати дастаҳои Хатлон-1, Хатлон-2, Суғд, ВМКБ, ШНТМ ва шаҳри Душанбе иштирок карданд.

Ба варзишгарон мураббиёни ин намуди варзиш Далер Фозилов, Исломиддин Фозилов, Сафарбек Тошматов ва Вафоназар Аланазаров тарзу усулҳои нави таеквондоро омӯзониданд.

Бо мақсади дар амал дидани тарзи баҳогузорӣ, истифодаи усулҳои нав бо истифодаи аз технологияи муосир, ки федератсия дастрас кардааст, миёни варзишгарон мусобиқаи санҷишӣ баргузор шуд.