ВАРЗИШ
Ҷумъа 15 Ноябр 2019 06:05
1160
Парчамбардори тоҷик дар ифтитоҳи Бозиҳои XXXI тобистонаи олимпӣ дар Рио-де-Жанейрои Бразилия Дилшод Назаров интхоб гардид.

Бино ба иттилои Хатамоти матбуотии КМО Тоҷикистон, ин тасмим дар ҷаласаи Ассамблеяи XV генералии Кумитаи миллии олимпии Тоҷикистон (КМОТ) имрӯз, 16 июл гирифта шуд.

Инчунин дар ҷаласаи мазкур Ассамблеяи XV генералии КМОТ ба варзишгарон Муҳаммадмурод Абдураҳмонов (гуштии дзюдо) ва Анвар Юнусов (бокс) барои ба даст овардани роҳхатҳо ба Бозиҳои олимпии Рио-2016 бо ҷоизаи молии ҶДММ «Ғаюр”, сарпарасти кулли КМОТ, мукофотонида шуданд. Ҷоизаҳоро раҳбари ин ҷамъият Акбар Ғуломов, ки ҳамзамон ноиби президенти КМО ҶТ мебошад, тақдим намуд.

Дилшод-Н.gif

Ёдовар мешавем, ки дар олимпиадаи Пекин соли 2008 ҳам парчами кишварро Дилшод Назаров бароварда буд.

Дар Олимпиадаи Лондон-2012 бошад, ин масъулиятро ба души бонуи муштзан Мавзуна Чориева вогузор намуда буданд.

Мавзуна-Чориева.gif

Рио-2016 барои Дилшод чорумин олимпиада ба шумор меравад.

Д. Назаров аввалин варзишгари тоҷик аст, ки ба Бозиҳои тобистонаи олимпии соли 2016 дар Рио-де-Жанейрои Бразилия роҳхат гирифтааст. Ӯ моҳи майи соли гузашта дар мусобиқаи ҷаҳонии силсилаи Гран-при оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дувумро касб кард ва ба ҳаққи ширкат дар Бозиҳои олимпӣ дар Рио-де-Жанейро мушарраф шуд.

То имрӯз шумораи иштирокчиёни тоҷик дар олимпиадаи Рио-2016 ба ҳафт нафар мерасад. Ба ҷуз Дилшод Назаров, паҳлавонони тоҷик Комроншоҳи Устопириён ва Муҳаммадмурод Абдураҳмонов дар риштаи ҷудо, муштзан Анвар Юнусов, шиноварон Анастасия Тюрина ва Олим Қурбонов, даванд Даврон Отабоев низ соҳиби роҳхати олимпианд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.