ВАРЗИШ
Чоршанбе 12 Декабр 2018 05:42
4172
Дар доираи бозиҳои гурӯҳии Ҷоми КФО-2018 (Конфедиратсияи футболи Осиё) қаҳрамони кишвар оид ба футбол, дастаи “Истиқлол”-и шаҳри Душанбе, рақобати сеюми худро дар гурӯҳ бо қаҳрамони Ҷумҳурии Қирғизистон, тими“Олой”-и шаҳри Ош баргузор намуд.

Ин дидор рӯзи 11-уми апрел, дар Варзишгоҳи марказии шаҳри Ҳисор ҷараён гирифта, дастпарварони Муҳсин Муҳаммадиев сармураббии дастаи “Истиқлол” дар он бо ҳисоби 1:0 дастболо гардиданд.

Шуруъ аз оғози рақобат барои бозингарони ҳарду даста имкониятҳои голзанӣ ба миён омад, аммо ҳарду ҷониб аз фурсатҳои голзанӣ дар қисми аввали бозӣ истифода бурда натавонистанд. Дар қисми аввал дастпарварони “Истиқлол” ҳамлаҳои головарро бештар анҷом додан, вале дарвозабони меҳмонон Абдуазиз Махкамов маҳорати олӣ нишон дода, дарвозаи худро аз гол эмин дошт. Қисми аввали дидор мусовӣ, 0-0 хотима ёфт.

Аз оғози қисми дуюми бозӣ футболбозони тоҷик зуд ба хати ҳимояи меҳмонон фишор оварданд ва ҳимоятгарони тими “Олой” муқобили ҳамлагари дастаи “Истиқлол” Шериддин Бобоев қоидаи бозиро вайрон намуда, сардовари бозӣ Бежан Ҳайдарии эронӣ ба дарвозаи Абдуазиз Махкамов зарбаи 11-метра таъин намуд. Ин фурсатро Фатҳулло Фатҳуллоев, сардори дастаи “Истиқлол” дар дақиқаи 48-уми бозӣ ба хубӣ истифода намуда, дастаашро пешсаф намуд.

Бозӣ бо ҳисобӣ 1-0 хотима ёфт ва ягона голи задаи Фатҳулло Фатҳуллоев, дар гурӯҳи “D”-и мусобиқа дастаи “Истиқлол”-ро садрнишин сохт.

Рақобати дигари ин гурӯҳ, рӯзи 11-уми апрел миёни тимҳои “Аҳал”- дорандаи ҷоизаи нуқраи Туркманистон ва “Алтин Асир”- қаҳрамони Туркманистон баргузор гардида, мусовӣ 0-0 хотима ёфт.

Пас аз даври сеюми бозиҳои гурӯҳии Ҷоми КФО-2018, дастаи “Истиқлол”-и шаҳри Душанбе бо касби 7 имтиёз дар ҷадвали гурӯҳи “D” садрнишин гардид. Тими “Алтин Асир” бо 5 хол дар ҷойи дуюм қарор дорад. Бошгоҳи “Аҳал” бо 4 имтиёз дар ҷойи сеюум мавқеъ гирифт.

Бозиҳои даври 4-уми гурӯҳи “D”-и мусобиқаи мазкур, рӯзи 25-уми апрел баргузор мегардад. Дар ин рӯз тими “Истиқлол” меҳмони дастаи “Олой”-и Қирғизистон мешавад ва дастаи “Алтин Асир” дар майдони худ дастаи “Аҳал”-ро қабул мекунад.

Ёдовар мешавем, ки марҳилаи гурӯҳии Ҷоми КФО-2018 дар минтақаи марказӣ, 7-уми март оғоз ёфт ва он 16-уми май хотима меёбад. Аз гурӯҳ танҳо ғолиб ба даври минбаъда роҳ меёбад. Пас аз анҷоми марҳилаи гурӯҳӣ бозиҳои ниманиҳоӣ ва ниҳоии байниминтақавӣ баргузор мешаванд. Бозии финалии Ҷоми КФО-2018, рӯзи 27-уми октябри соли ҷорӣ барпо хоҳад гашт.

Даври 4-ум, 25-уми апрел (чоршанбе)

“Олой” (Қирғизистон) – “Истиқлол” (Тоҷикистон)

“Алтин Асир” (Туркманистон) – “Аҳал” (Туркманистон)

Даври 5-ум, 2-юми май (чоршанбе)

“Аҳал” (Туркманистон) – “Истиқлол” (Тоҷикистон)

“Алтин Асир” (Туркманистон) – “Олой” (Қирғизистон)

Даври 6-ум, 16-уми май (чоршанбе)

“Истиқлол” (Тоҷикистон)– “Алтин Асир” (Туркманистон)

“Олой” (Қирғизистон) – “Аҳал” (Туркманистон)

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.