Дирӯз, 14 сентябр, як бозии дигари даври дувоздаҳуми чемпионати лигаи олии футболи мамлакат баргузор гашт.

“Истиқлол”-и Душанбе дар майдони худ бар тими “Хайр”-и Ваҳдат бо ҳисоби 4:1 ғалаба кард. Ҳисобро Умед Азизов, бозингари тими меҳмон дар дақиқаи 31 кушод. Дар ҷавоб ба ин гол Фатҳулло Фатҳуллоев, Ҷаҳонгир Алиев, Манучеҳр Ҷалилов ва Нозим Бобоҷонов аз тими мизбон бо гол ҷавоб гардонданд.

Дар ҷадвали мусобиқа “Истиқлол” бо 30 хол пешсаф аст. КМВА “Помир”, ки 20 хол дорад, дар ҷои дуюм мебошад. Дар мақоми сеюм “Ҳосилот” бо 19 хол қарор гирифтааст.