26 октябр дар шаҳри Тошканди Узбекистон қуръакашии марҳилаи финалии Ҷоми Осиё-2023 баргузор шуд. Дар натиҷаи ин қуръакашӣ 16 даста ба 4 гурӯҳ тақсим шуда, мунтахаби ҷавонони Тоҷикистон (U-20) ба гурӯҳи “С” шомил гардид ва бо дастаҳои Кореяи Ҷанубӣ, Урдун ва Уммон бозӣ хоҳад кард.

Гурӯҳҳои натиҷаи қуръакашии марҳилаи финалии Ҷоми Осиё-2023 миёни мунтахабҳои ҷавонони то 20-сола чунин аст:

Гурӯҳи “А”: Узбекистон, Индонезия, Ироқ, Сурия.
Гурӯҳи “В”: Қатар, Австралия, Ветнам, Эрон.
Гурӯҳи “С”: Кореяи Ҷанубӣ, Тоҷикистон, Урдун, Уммон.
Гурӯҳи “D”: Арабистони Саудӣ, Ҷопон, Чин, Қирғизистон.

Қайд кардан ба маврид аст, ки марҳилаи финалии Чемпионати Осиё оид ба футбол миёни мунтахабҳои ҷавонон аз 1 то 18 марти соли оянда дар Узбекистон баргузор мешавад. Аз натиҷаи бозиҳо 4 дастаи беҳтарин ба Чемпионати ҷаҳон, ки соли оянда дар Индонезия баргузор мешавад, роҳхат мегиранд.