Аз санаи 2 то 25 ноябр, дар Қасри варзиши шаҳри Хуҷанд мусобиқа оид ба футзал барои дарёфти Ҷоми вилоят бо иштироки 12 даста доир гардид.

Дар натиҷа дастаи “Рахш” дар бозии ниҳоӣ дастаи “Парламент”-ро бо ҳисоби 4:2 шикаст дода,  соҳиби Ҷом гардид.

Дар маросими ҷоизасупорӣ муовини аввали Раиси ФФС Хуршед Акдодов ва намоянда аз ФФТ Раҳмон Муртазоев иштирок намуда, ба ғолибон ва беҳтаринҳо тӯҳфаҳои хотиравӣ тақдим карданд.