МУАЛЛИФ: МАШҲУР ИМОМНАЗАРОВ

Бахшида ба Соли ҷавонон ва Рӯзи таъсисёбии Қувваҳои Мусаллаҳ дар маркази ноҳияи Роштқалъа миёни ҷамоатҳои деҳот ва идораву муассисаҳои ноҳиявӣ мусобиқаи волейбол доир гашт. Дар он ҳашт дастаи мардона иштирок намуданд.

Аз рӯи натиҷаҳои умумӣ дар панҷ басти бозии финалӣ дастаи М. Миршакар-1 бар тими Роштқалъа-1 бо ҳисоби 3:2 дастболо шуда, ғолиб эълон гардид.

Барои гирифтани мақоми сеюм дастаҳои Барвоз-1 ва Роштқалъа-2 қувваозмоӣ намуданд. Тими Барвоз-1 дар чор басти даври ниҳоӣ бо ҳисоби 3:1 ғолиб омад.

Ғолибон аз тарафи Бахши ҷавонон, варзиш ва сайёҳии ноҳияи Роштқалъа бо мукофоти пулӣ, нишонҳои сарисинагӣ ва ифтихорнома қадрдонӣ шуданд.