Ба ифтихори ҷашни байналмилалии Наврӯз, 23-24 март паҳлавонони сартосари кишвар барои дарёфти Ҷоми пойтахт-2019 аз намуди гӯштини миллӣ миёни ҳам рақобат намуданд.

Чемпионати Ҷумҳурии Тоҷикистон оид ба гӯштини миллӣ дар Наврӯзгоҳи шаҳри Душанбе доир гардида, дар он 180 паҳлавон дар ҳайати дастаҳои Душанбе-1, Душанбе-2, Хатлон-1, Хатлон-2, Суғд, ВМКБ, ШНТМ ва Рашт ширкат карданд.

Дар маросими кушодашавии чемпионат Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини Раиси шаҳри Душанбе Ҷӯразода Фаррух, раиси Федератсияи гуштини миллӣ “гӯштингирӣ”-и Тоҷикистон Лоиқ Ашӯров ҳозиринро бо ҷашни Наврӯзи байналмилалӣ таҳният гуфта, ба паҳлавонон барору комёбӣ орзу намуданд. 

Қувваозмоиҳо аз рӯи 8 вазн сурат гирифта, ғолибон ба тариқи зайл муайян шуданд:

Вазни -60 кило
1. Муҳаммадризо Қувватов
2. Муҳаммад Муҳаммадализода
3. Меҳрзод Сӯфиев

Вазни -65 кило
1. Баҳром Сӯфиев
2. Ёқубҷон Боқиев
3. Идибек Сафаров

Вазни -70 кило
1. Наврӯз Каримзода
2. Парвиз Додов
3. Орифҷон Додов

Вазни -75 кило
1. Муҳаммадшариф Наҷмиддинов
2. Шамоили Ҷаҳонгир
3. Мирзоҷамил Рамазонов

Вазни -80 кило
1. Садр Боев
2. Эраҷ Абдуллоев
3. Ҳақназар Назаров

Вазни -90 кило
1. Эмомалӣ Камолов
2. Меҳрубон Идрисов
3. Бежан Боқиев

Вазни -100 кило
1. Саидҷалол Саидов
2. Фирдавс Насимов
3. Шарифҷон Назиров

Вазни +100 кило
1. Одил Сафаров
2. Абубакр Раҳмонов
3. Шоҳрух Амирхонов

Дар охир паҳлавонони вазни мутлақ барои ба даст овардани Шоҳҷоиза – автомошинаи сабукрав талош карданд. Дар натиҷа шоҳҷоиза насиби паҳлавони шинохтаи кишвар Саидҷалол Саидов гардид. Калиди мошинро ба ӯ мувони Раиси шаҳри Душанбе Ҷӯразода Фаррух тақдим намуд.