Тибқи ҷадвали баргузории бозиҳои Лигаи чемпионҳои Осиё-2021 шоми имрӯз дастаи “Истиқлол”-и Тоҷикистон дар гурӯҳи “А” дар даври сеюми марҳилаи гурӯҳии лигаи мазкур бо ғолиби Лигаи чемпионҳои Осиё дар соли 2019, дастаи футболи “Ал-Ҳилол”-и Арабистони Саудӣ вориди рақобат мешавад.

Ёдовар мешавем, ки дастаи “Истиқлол”-и Тоҷикистон қабл аз ин дар даври аввали марҳилаи гурӯҳии Лигаи чемпионҳои Осиё-2021 бо дастаи “Шабоб Ал-Аҳлӣ"-и Дубай бозии худро мусовӣ 0:0 анҷом дода, дар бозии дуюми худ бо дастаи АГМК-и Ӯзбекистон бо ҳисоби 3:2 ғалаба ба даст овард ва пирӯзии аввалину таърихиашро дар Лигаи чемпионҳои Осиё-2021 ҷашн гирифт.

Пас аз натиҷагирии ду давр дастаи футболи “Ал-Ҳилол”-и Арабистони Саудӣ бо 4 хол дар зинаи аввал ва дастаи “Истиқлол”-и Тоҷикистон низ бо 4 хол дар зинаи дуюми гурӯҳи “А” қарор доранд.

Қ. МАҲМАДҶОНОВ, “ҶТ”