ВАРЗИШ
Ҷумъа 19 Апрел 2024 10:17
Бо баргузории як ҷаласа 30 октябр дар шаҳри Душанбе хабарнигорони риштаи варзиш фаъолияташонро дар соли 2016 натиҷагирӣ карданд.
Ҷаласаро Кумитаи миллии олимпии Тоҷикистон ва Ассотсияи хабарнигорони риштаи варзиш доир намуданд.
Баҳрулло Раҷабалиев, котиби генералии Кумитаи миллии олимпии Тоҷикистон вобаста ба ҷамъбасти варзиш дар соли 2016 маълумот дода, иброз дошт, ки соли 2016 барои кулли мардуми шарифи Тоҷикистон дар соҳаи варзиш соли бобарор ва бобаракат буд. Дар ин сол варзишгарони мо дар бисёр мусобиқаҳои сатҳи ҷаҳонӣ ва осиёӣ иштирок карда, соҳиби медалҳои ифтихорӣ гардиданд. Аммо аз ҳама муҳим ва дастоварди сол медали тиллои гурзандози маъруф Дилшод Назаров дар Бозиҳои тобистонаи олимӣ дар Рио-де Жанейрои Бразил мебошад.
- Аз имрӯз сар карда, федератсияҳои варзиши Тоҷикистон дар андешаи тайёр намудани варзишгарон ба олимпиадаи оянда бошанд. Онҳо бештар вақти худро ба тайёр намудани варзишгарони касбӣ ва соҳибҳунар сарф намоянд. Варзишгаронро зиёдтар ба мусобиқаҳои байналмилалӣ фиристонанд, то онҳо дар тӯли чор сол холҳои барои ба даст овардани роҳхат ба Олимпиадаро ба даст биёранд. Кумитаи олимпӣ вобаста ба имконият ба федератсияҳо ва варзишгарон кӯмак мерасонад, - афзуд Б. Раҷабалиев.
Иттилоъ дода шуд, ки 12-16 ноябри соли ҷорӣ дар шаҳри Доҳаи Қатар Ассамблеяи Ассотсиатсияи кумитаҳои миллии олимпӣ (ANOC) доир мешавад. Тоҷикистонро дар ин ассамблея Баҳрулло Раҷабалиев ва мудири кулли Кумитаи миллии олимпӣ Муҳаммадшо Абдуллоев намояндагӣ мекунанд.
Бо пешниҳоди Кумитаи миллии олимпии Тоҷикистон Дилшод Назаров бо ҷоизаи Ассотсиатсияи кумитаҳои миллии олимпӣ мукофотонида мешавад. Бар асоси номаи расмии президенти ANOC Шайх Аҳмад Ал-Фаҳад Ал-Сабоҳ ба унвони Кумитаи миллии олимпии Тоҷикистон маросими супурдани ҷоизаҳои ин ташкилоти ҷаҳонӣ рӯзи 15-уми ноябр дар шаҳри Доҳаи Қатар барпо мегардад. Дилшод Назаров ба ин маросим даъват шудааст.
Нарзулло Латифов, раиси Ассотсиатсияи журналистони риштаи варзиши Тоҷикистон дар ҷаласа китоби навашро бо номи «Дилшод Назаров – қаҳрамони олимпӣ» ба ду забон – тоҷикӣ ва русӣ муаррифӣ кард. Дар ин китоб дар бораи дастоварди бузургтарини гурзандози машҳури тоҷик дар Бозиҳои XXXI тобистонаи олимпӣ дар Рио-де-Жанейрои Бразил нақл карда мешавад. Китоб ба хабарнигорон тақдим гардид.
Гуфта шуд, соли оянда ду чорабинии муҳими варзишӣ баргузор мешавад. Яке Бозиҳои IV ҳамбастагии исломист, ки аз 12-ум то 22-юми майи соли 2017 дар шаҳри Бокуи Озарбойҷон доир мегардад. Мусобиқот аз рӯи барномаи бозиҳо бо иштироки беш аз 5000 варзишгар дар 20 намуди варзиш барпо хоҳад шуд. Дигаре Бозиҳои V осиёӣ дар иншооти сарпӯшида ва ҳунарҳои размӣ мебошад, ки аз 17-ум то 27-уми сентябри соли 2017 дар шаҳри Ашхободи Туркманистон баргузор мешавад. Дар ин бозиҳо ширкати 5500 варзишгар аз 69 кишвари Осиё ва Уқёнус дар назар аст. Онҳо аз рӯи 21 намуди варзиш рақобат мекунанд.
Хабарнигорони риштаи варзиш вобаста ба камбудиҳо ва пешравиҳои соҳаи варзиш дар як сол ва барои боз ҳам рушд кардани соҳа фикру пешниҳодҳои худро баён намуданд.
Ҷаласаро Кумитаи миллии олимпии Тоҷикистон ва Ассотсияи хабарнигорони риштаи варзиш доир намуданд.
Баҳрулло Раҷабалиев, котиби генералии Кумитаи миллии олимпии Тоҷикистон вобаста ба ҷамъбасти варзиш дар соли 2016 маълумот дода, иброз дошт, ки соли 2016 барои кулли мардуми шарифи Тоҷикистон дар соҳаи варзиш соли бобарор ва бобаракат буд. Дар ин сол варзишгарони мо дар бисёр мусобиқаҳои сатҳи ҷаҳонӣ ва осиёӣ иштирок карда, соҳиби медалҳои ифтихорӣ гардиданд. Аммо аз ҳама муҳим ва дастоварди сол медали тиллои гурзандози маъруф Дилшод Назаров дар Бозиҳои тобистонаи олимӣ дар Рио-де Жанейрои Бразил мебошад.
- Аз имрӯз сар карда, федератсияҳои варзиши Тоҷикистон дар андешаи тайёр намудани варзишгарон ба олимпиадаи оянда бошанд. Онҳо бештар вақти худро ба тайёр намудани варзишгарони касбӣ ва соҳибҳунар сарф намоянд. Варзишгаронро зиёдтар ба мусобиқаҳои байналмилалӣ фиристонанд, то онҳо дар тӯли чор сол холҳои барои ба даст овардани роҳхат ба Олимпиадаро ба даст биёранд. Кумитаи олимпӣ вобаста ба имконият ба федератсияҳо ва варзишгарон кӯмак мерасонад, - афзуд Б. Раҷабалиев.
Иттилоъ дода шуд, ки 12-16 ноябри соли ҷорӣ дар шаҳри Доҳаи Қатар Ассамблеяи Ассотсиатсияи кумитаҳои миллии олимпӣ (ANOC) доир мешавад. Тоҷикистонро дар ин ассамблея Баҳрулло Раҷабалиев ва мудири кулли Кумитаи миллии олимпӣ Муҳаммадшо Абдуллоев намояндагӣ мекунанд.
Бо пешниҳоди Кумитаи миллии олимпии Тоҷикистон Дилшод Назаров бо ҷоизаи Ассотсиатсияи кумитаҳои миллии олимпӣ мукофотонида мешавад. Бар асоси номаи расмии президенти ANOC Шайх Аҳмад Ал-Фаҳад Ал-Сабоҳ ба унвони Кумитаи миллии олимпии Тоҷикистон маросими супурдани ҷоизаҳои ин ташкилоти ҷаҳонӣ рӯзи 15-уми ноябр дар шаҳри Доҳаи Қатар барпо мегардад. Дилшод Назаров ба ин маросим даъват шудааст.
Нарзулло Латифов, раиси Ассотсиатсияи журналистони риштаи варзиши Тоҷикистон дар ҷаласа китоби навашро бо номи «Дилшод Назаров – қаҳрамони олимпӣ» ба ду забон – тоҷикӣ ва русӣ муаррифӣ кард. Дар ин китоб дар бораи дастоварди бузургтарини гурзандози машҳури тоҷик дар Бозиҳои XXXI тобистонаи олимпӣ дар Рио-де-Жанейрои Бразил нақл карда мешавад. Китоб ба хабарнигорон тақдим гардид.
Гуфта шуд, соли оянда ду чорабинии муҳими варзишӣ баргузор мешавад. Яке Бозиҳои IV ҳамбастагии исломист, ки аз 12-ум то 22-юми майи соли 2017 дар шаҳри Бокуи Озарбойҷон доир мегардад. Мусобиқот аз рӯи барномаи бозиҳо бо иштироки беш аз 5000 варзишгар дар 20 намуди варзиш барпо хоҳад шуд. Дигаре Бозиҳои V осиёӣ дар иншооти сарпӯшида ва ҳунарҳои размӣ мебошад, ки аз 17-ум то 27-уми сентябри соли 2017 дар шаҳри Ашхободи Туркманистон баргузор мешавад. Дар ин бозиҳо ширкати 5500 варзишгар аз 69 кишвари Осиё ва Уқёнус дар назар аст. Онҳо аз рӯи 21 намуди варзиш рақобат мекунанд.
Хабарнигорони риштаи варзиш вобаста ба камбудиҳо ва пешравиҳои соҳаи варзиш дар як сол ва барои боз ҳам рушд кардани соҳа фикру пешниҳодҳои худро баён намуданд.
Хабарҳои дигар
Рӯзнома
Эзоҳи худро нависед