Дар рӯзи дуюми сабқатҳо дар мусобиқаи “Осиё-Уқёнусия”, ки аз санаи 6-уми апрел дар шаҳри Бишкеки Қирғизистон идома дорад, ҷудочии маъруфи кишвар Сомон Маҳмадбеков дар вазни 73кг рӯи майдон омада, бо шикаст додани рақибони худ ба финали мусобиқа роҳхат гирифт.

Сомон дар даври аввал бо намояндаи Яман –Айяш Аҳмад рақобат намуда, пирӯз шуд. Дар даври дуюм варзишгари эронӣ Муҳаммадӣ Муҳаммадро мағлуб сохт ва ба даври нимниҳоӣ роҳ ёфт. Дар ин давр Маҳмадбеков бо маҳорати баланди нерусанҷии худ Жансай Самагулови Қазоқистонро мағлуб намуда, ба даври финалӣ роҳ ёфт.

Варзишгари мо дар даври финалӣ нимаи дуюми имрӯз бо қаҳрамони “Doha Masters 2021” варзишгари Кореяи Ҷанубӣ – Ан Чангрим рақобат мекунад.

И. АМАКҶОНОВ “ҶТ”