ВАРЗИШ
Панҷшанбе 18 Июл 2019 01:23
6194
Дирӯз дар Мактаби варзишии рақами 1-и маркази ноҳияи Ашт мусобиқаи ҷумҳуриявӣ оид ба волейбол байни наврасдухтарони соли таваллудашон 2003 ва хурд барои дарёфти Ҷоми мураббии шоистаи Ҷумҳурии Тоҷикистон Нуралӣ Одинаев ҷамъбаст гардид. 

Дар маросими пӯшидашавии мусобиқа раиси ноҳияи Ашт Зариф Мирдадо, устоди варзиши Иттиҳоди Шӯравӣ, довари дараҷаи байналмилалӣ Нуралӣ Одинаев, раиси Федератсияи волейболи вилояти Суғд Сарҳад Ғаниев, собиқадорон ва варзишгарон иштирок намуданд. 

Тавре ба мо Ҷамшед Насриддинов, мудири бахши кор бо ҷавонон иттилоъ дод, дар мусобиқа 8 даста аз тамоми манотиқи кишвар иштирок ва байни ҳам қувваозмоӣ намуданд. 

Зариф Мирдадо, раиси ноҳияи Ашт дар баромади худ зикр намуд, ки варзиш дар Тоҷикистон ҳамчун қисми ҷудонашавандаи сиёсати иҷтимоии давлат оид ба мустаҳкам намудани тандурустии аҳолӣ мебошад.  Аз ин нуқтаи назар дар кишварамон ҷиҳати оммавӣ гардонидани ҳаракати тарбияи ҷисмонӣ ва варзиш, баланд бардоштани самаранокии фаъолияти системаи тарбияи ҷисмонии аҳолӣ чораҳо андешида мешаванд. 

Дар натиҷа дастаи волейболбозони “Суғд-1” ҷойи якум, дастаи волейболбозони “Душанбе-1” ҷойи дуввум ва дастаи “Суғд-2” ҷойи севвумро дар мусобиқа ишғол намуда, ғолибон бо Ҷом, диплом ва медал  сарфароз гардонида шуданд.

Дар охир аз тарафи раиси ноҳия барои хизматҳои шоён дар ҷодаи варзиш ба довари дараҷаи байналмилалӣ, устоди варзиши Иттиҳоди Шӯравӣ Нуралӣ Одинаев туҳфаи хотиравӣ супорида шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.