ВАРЗИШ
Панҷшанбе 25 Апрел 2024 09:48
Таеквондо ВТФ намуди якаҳарбаи шинохтаи ҷаҳонӣ буда, соли 2000 ҳамчун намуди варзиши олимпӣ расман эътироф гардидааст. Таеквондо ВТФ системаи тамрини равонӣ ва худмуҳофизати беяроқ буда, дар варзишгар ҳисси ватандӯстӣ, меҳнатдӯстӣ, устуворӣ, хоксорӣ ва бурдбориро тарбия менамояд.
Соли 1950, пас аз анҷоми исттилои ҷопониҳо роҳбарони нуҳ мактаби нави Корея (Ёнмуг-кван, Кандог-кван, Мудог-кван, Одог-кван, Санмуг-кван, Ханмуг-кван, Чидог-кван, Чханмуг-кван, Чхондог-кван) ба ҳам омаданд, то усули ягонаи варзишиеро асос гузоранд. Ниҳоят соли 1955 роҳбари мактаби Одог-кван генерал – лейтенант Чхве Хон Хи санъати миллии ҷангии кореягии таеквондоро бунёд намуда, соли 1961 ассотсиатсияи таеквондои Кореяро таъсис дод.
28 май соли 1973 Федератсияи байналмилалии таеквондо ВТФ ташкил гардида, маркази он дар шаҳри Сеули Кореяи Ҷанубӣ воқеъ гашт. Президенти нахустини он Ким Ун Ён таъйин шуд. 17 июли соли 1980 дар Иҷлосияи 83-юми умумии КМО дар Маскав таеквондо ВТФ ҳамчун номзад барои иштирок дар Бозиҳои олимпӣ эътироф шуд.
Дар Тоҷикистон ин намуди варзиш соли 1987 пайдо шуда, соли 1992 Федератсияи таеквондо ВТФ-и Ҷумҳурии Тоҷикистон таъсис ёфт ва Шодӣ Саидов аввалин президенти федератсия интихоб гардид. Аз соли 1993 Федератсияи таеквондо ВТФ-и Ҷумҳурии Тоҷикистон узви комилҳуқуқи Федератсияи таеквандои ҷаҳонӣ мебошад. Аз соли 1997 таеквондо ВТФ дар ҷумҳурии мо оҳиста-оҳиста рушд карда, дар вилоятҳои Хатлон, Суғд, ноҳияҳои тобеи марказ ва шаҳри Душанбе мактабҳои варзишие бунёд ёфт, ки дар онҳо таеквондо ВТФ ёд дода мешуд. То соли 2000 шумораи ҷавонону наврасони ҳаводори ин намуди варзиш ба 3000 нафар расид.
Дар баробари ин пешравиҳо федератсия ба як қатор мушкилиҳо рӯ ба рӯ гардида, то ҷое ба рушди ин намуди варзиш таъсир расонид. Сохторҳои марбута ба хулосае омаданд, ки барои эҳё ва рушди дубораи он роҳбарияти навро даъват намоянд. Охири соли 2016 роҳбарияти федератсия иваз гардид. Он замон федератсия дар ҳоли пошхӯрӣ қарор дошт. Кумитаҳои федератсия аз фаъолият комилан боз монда, корбарӣ дар сатҳи паст ба роҳ монда шуда буд. Дастаҳои мунтахаб таъсис наёфта буданд.
Дар партави сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳбарияти Кумитаи кор бо ҷавонон ва варзиши назди Ҳукумати ҷумҳурӣ ва роҳбарияти шаҳри Душанбе федератсия баъди 27 сол дигарбора эҳё шуд. Дар ин давра федератсияи соҳиби дафтари корӣ гардида, ҳайати мураббиёни дастаҳои мунтахаб аз нав интихоб шуданд. Федератсияи таеквондо ВТФ-и шаҳри Душанбе таъсис дода шуд.
Ҷаҳонзеб Қармишев, раиси Федератсияи таеквандо ВТФ кишвар мегӯяд, ки дар 3 соли охир натиҷаҳои федератсия хуб шуда, варзишгаронаш дар раддабандии ҷаҳонӣ мавқеи хосро ишғол намуда истодаанд ва ҳамарӯза шумораи варзишгарони ҷавонону наврас ба ин намуди варзиш зиёд мегардад:
- Яке аз ҳадафҳои стратегии федератсия баланд бардоштани савияи касбии мутахассиони соҳа мебошад. Бинобар ин, аз соли 2017 федератсия зиёда аз 20 нафар мураббиро ба 13 мусобиқаи хориҷ аз кишвар сафарбар намуд. Танҳо соли 2017 ба дастаҳои сартосари ҷумҳурӣ ва дастаҳои мунтахаб муяссар гардид, ки 58 медал ба даст оранд. Соли 2017 боз 1 нафар корманди федератсия тавонист унвони довари дараҷаи байналмилалиро соҳиб гардад ва теъдоди умумии доварони байналмилалӣ дар Тоҷикистон ба 5 нафар расид. Дар федератсия базаи ягонаи маълумот оид ба аттестатсиякунонии варзишгарон ва мураббиён таъсис дода шуд, - гуфт Ҷаҳонзеб Қармишев.
Маҳз натиҷаи ин дигаргуниҳо ва гузоштани ҳадафҳои нави стратегӣ буд, ки варзишгарони мо тавонистанд бори аввал дар таърихи таеквондо ВТФ-и кишвар, дар якумин Чемпионати кушоди Осиё, ки моҳи сентябри соли 2018 дар шаҳри Атирау Ҷумҳурии Қазоқистон доир шуд, соҳиби 2 медали тилло, 3 нуқра ва 3 биринҷӣ гарданд.
Ба гуфтаи Ҷаҳонзеб Қармишев, раиси Федератсияи таеквондо ВТФ соли 2017 дар доираи барномаҳо ба федератсия аз тарафи Федеатсияи ҷаҳонии таеквондо системаи нави электронии доварӣ равон карда шуд. Соли 2018 бошад аз тарафи Академияи таеквондо лавозимот барои тамрин дастрас гардид: “Дар ду сол мо аз ҷониби Федератсияи теквондои ҷаҳонӣ, барои ширкат намудани варзишгарони тоҷик дар мусобиқаҳои сатҳи байналмилалӣ ду системаи нави электронӣ овардем. Соли 2017 системаи KPNP-ро (8-дона) дар ҳаҷмӣ 10 ҳазор доллари амрикоӣ ва соли 2018 системаи электронӣ DAEDO-ро (4 дона) дар ҳаҷми 8 ҳазор доллари амрикоӣ харидорӣ намудем”, - иброз дошт ӯ.
Барои роҳхат гирифтани варзишгарони ин соҳа ба мусобиқаҳои байналмилалӣ ва Бозиҳои тобистонаи олимпии Токио -2020, барномаи рушди таеквондо ВТФ дар Ҷумҳурии Тоҷикистон барои солҳои 2018 – 2021 қабул гарид, ки ин барнома метавонад, то як андоза баҳри роҳ ёфтани таеквондочиёни тоҷик ба Бозиҳои олимпии Токио -2020 мусоидат намояд. Бино ба маълумоти Федератсияи таеквондо ВТФ-и ҷумҳурӣ варзишгарони ин соҳа соли 2018 дар 8 мусобиқаи байналмилалӣ ширкат намуда, аз он 37 медал (18 тилло, 9 нуқра ва 10 биринҷӣ) ба даст оварданд, ки ин нишондод назар ба солҳои пешин бештар аст.
Баҳри омода намудани дастаи мунтахаби таеквондо ВТФ ба мусобиқаҳои байналмилалӣ бо ташаббуси Кумитаи кор бо ҷавонон ва варзиш дар ҳамкорӣ бо федератсия аз 22 декабри соли 2018 то 6 январи соли 2019 дар шаҳри Душанбе ҷамъомади машқию таълимӣ миёни ҷавонон ва калонсолон баргузор шуд.
Далер Фозилов, сармураббии тими мунтахаби таеквандои ВТФ-и кишвар баҳри омода намудани варзишгарон ба мусобиқаҳои байналмилалӣ ва мусобиқаҳои интихобии Бозиҳои тобистонаи олимпии Токио-2020 машқу тамринҳои пайвастаро муфид дониста иброз дошт:
- Баҳри омода намудани варзишгарон ва дарёфти чеҳраҳои нави таеквондо дар кишвар муддати 15 рӯз аз тамоми минтақаҳои ҷумҳурӣ ба шаҳри Душанбе варзишгарони беҳтаринро даъват намуда, машқҳои таълимию тамринӣ баргузор намудем.
Соли 2020 (26 июл – 9 август) дар Токио – пойтахти Ҷопон XXXII Бозиҳои тобистонаи олимпӣ баргузор мешавад. Ба барномаи бозиҳо 33 намуди варзиш, аз ҷумла таеквондо ворид гардидааст. Мусобиқаи таеквондо аз рӯи 8 қувваозмоӣ доир мешавад: мардон дар 4 вазн, бонувон дар 4 вазн. Дар намуди таеквондо ҳамагӣ 128 варзишгар (64 нафар миёни мардон, 64 нафар миёни бонувон) иштирок мекунанд. Аз ҳар кумитаи олимпӣ 8 нафар (1 нафар дар як категорияи вазнӣ), 48 нафар тариқи роҳхати мустақим, 72 нафар тариқи мусобиқаҳои интихобии қитъавӣ, 4 варзишгари кишвари мизбон ва 4 нафар тариқи квота ба Токио сафарбар мегарданд.
Роҳхатҳои мустақим (48 адад) дар асоси раддабандии олимпии Федератсияи ҷаҳонии таеквондо тақсим мешавад. Ба панҷгонаи аввали ҳар вазни олимпӣ (40 нафар) варзишгароне ворид мешаванд, ки то финали мусобиқаи Гран Прии декабрии соли 2019 роҳ меёбанд. Дар сурати баробарии холҳои варзишгарон дар раддабандӣ дастоварди онҳо дар мусобиқаҳои қаблӣ ба инобат гирифта мешавад. Инчунин, ғолибони мусобиқаи “WT Grand Slam Champions” (8 нафар) дар моҳи январи соли 2020 соҳиби роҳхати олимпӣ мешаванд. 72 варзишгар (36 мард, 36 зан) ба бозиҳои олимпӣ тариқи мусобиқаҳои қитъавӣ соҳиби роҳхат мешаванд. Аз ҷумла аз қораҳои Африқо, Аврупо, Амрико, Осиё 16-нафарӣ (2 роҳхат дар ҳамаи вазнҳо) ва аз қораи Уқёнус 8 нафар барои иштирок дар олимпиада интихоб мешаванд.
Далер Фозилов, сармураббии тими мунтахаби таеквондои ВТФ, андеша дорад, ки баҳри роҳ ёфтан ба бозиҳои олимпӣ моро мебояд аз 32 мусобиқа ҳади ақал дар 15-тоаш ширкат намоем: “Соли 2019 дар ҳама намуди варзиш, алалхусус таеквондо соли дарёфти холҳо мебошад. Барои ба даст овардани холҳо 25 мусобиқа баргузор мегардад. Варзишгарони тоҷик назар ба дигар варзишгарон аз ҷиҳати ҷисмонӣ пурқувват мебошанд. Танҳо моро мебояд дар соли 2019, ки 32 мусобиқаи байналмилалӣ мегузарад, дар 15-тоаш ё аз он боло ширкат намуда, ба холҳои бозиҳои олимпӣ наздик шавем. Аввалин маротиба варзишгарони тоҷик дар мусобиқаи интихобии бозиҳои олимпӣ 2012 ширкат намуда, ҷойи сеюмро сазовор шуда, ба Бозиҳои олимпии Лондон роҳхат гирифта буданд. Соли 2016 варзишгарони мо дар даври интихобӣ низ ҷои сеюмро касб намуда буданд. Бо сабаби иваз шудани қоидаи мусобиқа, (яъне танҳо ҷойҳои якум ва дуюм ҳаққи ба даст овардани роҳхати Бозиҳои тобистонаи олимпии Рио-де-Жанейро-2016-ро доранд) бенасиб монда буданд. Тахмин меравад, ки барои роҳхати Бозиҳои тобиистонаи Токио-2020 дар даври интихобӣ танҳо мақоми аввал роҳхатро ба даст меорад. Аз ин лиҳоз варзишгарони моро мебояд соли 2019 дар мусобиқаҳои байналмилалӣ бештар ширкат намоянд”,- гуфт Ф. Далер.
Сол ба сол таваҷҷуҳ дар кишвар ба ин намуди варзиш зиёд гардида, шароити варзишгарон хуб шуда истодааст. Бояд гуфт дар ин намуди варзиш духтарон низ таваҷҷуҳ намуда истодаанд. Барои роҳхат гирифтан ба бозиҳои олимпӣ ду нафар аз бонувони тими мунтахаби таеквондои кишвар Моҳру Ҳалимова (Душанбе) ва Манижа Маткаримова (Кӯлоб) бо квотаи президентӣ сарфароз гардидаанд.
Дастаи яккачини Федератсияи таеквондои кишвар нақша дорад, ки соли 2019 дар 18 мусобиқаи байналмилалӣ ва ҷумҳуриявӣ ширкат намуда, то бозиҳои олимпӣ 5 машқи таълимӣ ва тамриниро берун аз кишвар баргузор намояд.
Соли 1950, пас аз анҷоми исттилои ҷопониҳо роҳбарони нуҳ мактаби нави Корея (Ёнмуг-кван, Кандог-кван, Мудог-кван, Одог-кван, Санмуг-кван, Ханмуг-кван, Чидог-кван, Чханмуг-кван, Чхондог-кван) ба ҳам омаданд, то усули ягонаи варзишиеро асос гузоранд. Ниҳоят соли 1955 роҳбари мактаби Одог-кван генерал – лейтенант Чхве Хон Хи санъати миллии ҷангии кореягии таеквондоро бунёд намуда, соли 1961 ассотсиатсияи таеквондои Кореяро таъсис дод.
28 май соли 1973 Федератсияи байналмилалии таеквондо ВТФ ташкил гардида, маркази он дар шаҳри Сеули Кореяи Ҷанубӣ воқеъ гашт. Президенти нахустини он Ким Ун Ён таъйин шуд. 17 июли соли 1980 дар Иҷлосияи 83-юми умумии КМО дар Маскав таеквондо ВТФ ҳамчун номзад барои иштирок дар Бозиҳои олимпӣ эътироф шуд.
Дар Тоҷикистон ин намуди варзиш соли 1987 пайдо шуда, соли 1992 Федератсияи таеквондо ВТФ-и Ҷумҳурии Тоҷикистон таъсис ёфт ва Шодӣ Саидов аввалин президенти федератсия интихоб гардид. Аз соли 1993 Федератсияи таеквондо ВТФ-и Ҷумҳурии Тоҷикистон узви комилҳуқуқи Федератсияи таеквандои ҷаҳонӣ мебошад. Аз соли 1997 таеквондо ВТФ дар ҷумҳурии мо оҳиста-оҳиста рушд карда, дар вилоятҳои Хатлон, Суғд, ноҳияҳои тобеи марказ ва шаҳри Душанбе мактабҳои варзишие бунёд ёфт, ки дар онҳо таеквондо ВТФ ёд дода мешуд. То соли 2000 шумораи ҷавонону наврасони ҳаводори ин намуди варзиш ба 3000 нафар расид.
Дар баробари ин пешравиҳо федератсия ба як қатор мушкилиҳо рӯ ба рӯ гардида, то ҷое ба рушди ин намуди варзиш таъсир расонид. Сохторҳои марбута ба хулосае омаданд, ки барои эҳё ва рушди дубораи он роҳбарияти навро даъват намоянд. Охири соли 2016 роҳбарияти федератсия иваз гардид. Он замон федератсия дар ҳоли пошхӯрӣ қарор дошт. Кумитаҳои федератсия аз фаъолият комилан боз монда, корбарӣ дар сатҳи паст ба роҳ монда шуда буд. Дастаҳои мунтахаб таъсис наёфта буданд.
Дар партави сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳбарияти Кумитаи кор бо ҷавонон ва варзиши назди Ҳукумати ҷумҳурӣ ва роҳбарияти шаҳри Душанбе федератсия баъди 27 сол дигарбора эҳё шуд. Дар ин давра федератсияи соҳиби дафтари корӣ гардида, ҳайати мураббиёни дастаҳои мунтахаб аз нав интихоб шуданд. Федератсияи таеквондо ВТФ-и шаҳри Душанбе таъсис дода шуд.
Ҷаҳонзеб Қармишев, раиси Федератсияи таеквандо ВТФ кишвар мегӯяд, ки дар 3 соли охир натиҷаҳои федератсия хуб шуда, варзишгаронаш дар раддабандии ҷаҳонӣ мавқеи хосро ишғол намуда истодаанд ва ҳамарӯза шумораи варзишгарони ҷавонону наврас ба ин намуди варзиш зиёд мегардад:
- Яке аз ҳадафҳои стратегии федератсия баланд бардоштани савияи касбии мутахассиони соҳа мебошад. Бинобар ин, аз соли 2017 федератсия зиёда аз 20 нафар мураббиро ба 13 мусобиқаи хориҷ аз кишвар сафарбар намуд. Танҳо соли 2017 ба дастаҳои сартосари ҷумҳурӣ ва дастаҳои мунтахаб муяссар гардид, ки 58 медал ба даст оранд. Соли 2017 боз 1 нафар корманди федератсия тавонист унвони довари дараҷаи байналмилалиро соҳиб гардад ва теъдоди умумии доварони байналмилалӣ дар Тоҷикистон ба 5 нафар расид. Дар федератсия базаи ягонаи маълумот оид ба аттестатсиякунонии варзишгарон ва мураббиён таъсис дода шуд, - гуфт Ҷаҳонзеб Қармишев.
Маҳз натиҷаи ин дигаргуниҳо ва гузоштани ҳадафҳои нави стратегӣ буд, ки варзишгарони мо тавонистанд бори аввал дар таърихи таеквондо ВТФ-и кишвар, дар якумин Чемпионати кушоди Осиё, ки моҳи сентябри соли 2018 дар шаҳри Атирау Ҷумҳурии Қазоқистон доир шуд, соҳиби 2 медали тилло, 3 нуқра ва 3 биринҷӣ гарданд.
Ба гуфтаи Ҷаҳонзеб Қармишев, раиси Федератсияи таеквондо ВТФ соли 2017 дар доираи барномаҳо ба федератсия аз тарафи Федеатсияи ҷаҳонии таеквондо системаи нави электронии доварӣ равон карда шуд. Соли 2018 бошад аз тарафи Академияи таеквондо лавозимот барои тамрин дастрас гардид: “Дар ду сол мо аз ҷониби Федератсияи теквондои ҷаҳонӣ, барои ширкат намудани варзишгарони тоҷик дар мусобиқаҳои сатҳи байналмилалӣ ду системаи нави электронӣ овардем. Соли 2017 системаи KPNP-ро (8-дона) дар ҳаҷмӣ 10 ҳазор доллари амрикоӣ ва соли 2018 системаи электронӣ DAEDO-ро (4 дона) дар ҳаҷми 8 ҳазор доллари амрикоӣ харидорӣ намудем”, - иброз дошт ӯ.
Барои роҳхат гирифтани варзишгарони ин соҳа ба мусобиқаҳои байналмилалӣ ва Бозиҳои тобистонаи олимпии Токио -2020, барномаи рушди таеквондо ВТФ дар Ҷумҳурии Тоҷикистон барои солҳои 2018 – 2021 қабул гарид, ки ин барнома метавонад, то як андоза баҳри роҳ ёфтани таеквондочиёни тоҷик ба Бозиҳои олимпии Токио -2020 мусоидат намояд. Бино ба маълумоти Федератсияи таеквондо ВТФ-и ҷумҳурӣ варзишгарони ин соҳа соли 2018 дар 8 мусобиқаи байналмилалӣ ширкат намуда, аз он 37 медал (18 тилло, 9 нуқра ва 10 биринҷӣ) ба даст оварданд, ки ин нишондод назар ба солҳои пешин бештар аст.
Баҳри омода намудани дастаи мунтахаби таеквондо ВТФ ба мусобиқаҳои байналмилалӣ бо ташаббуси Кумитаи кор бо ҷавонон ва варзиш дар ҳамкорӣ бо федератсия аз 22 декабри соли 2018 то 6 январи соли 2019 дар шаҳри Душанбе ҷамъомади машқию таълимӣ миёни ҷавонон ва калонсолон баргузор шуд.
Далер Фозилов, сармураббии тими мунтахаби таеквандои ВТФ-и кишвар баҳри омода намудани варзишгарон ба мусобиқаҳои байналмилалӣ ва мусобиқаҳои интихобии Бозиҳои тобистонаи олимпии Токио-2020 машқу тамринҳои пайвастаро муфид дониста иброз дошт:
- Баҳри омода намудани варзишгарон ва дарёфти чеҳраҳои нави таеквондо дар кишвар муддати 15 рӯз аз тамоми минтақаҳои ҷумҳурӣ ба шаҳри Душанбе варзишгарони беҳтаринро даъват намуда, машқҳои таълимию тамринӣ баргузор намудем.
Соли 2020 (26 июл – 9 август) дар Токио – пойтахти Ҷопон XXXII Бозиҳои тобистонаи олимпӣ баргузор мешавад. Ба барномаи бозиҳо 33 намуди варзиш, аз ҷумла таеквондо ворид гардидааст. Мусобиқаи таеквондо аз рӯи 8 қувваозмоӣ доир мешавад: мардон дар 4 вазн, бонувон дар 4 вазн. Дар намуди таеквондо ҳамагӣ 128 варзишгар (64 нафар миёни мардон, 64 нафар миёни бонувон) иштирок мекунанд. Аз ҳар кумитаи олимпӣ 8 нафар (1 нафар дар як категорияи вазнӣ), 48 нафар тариқи роҳхати мустақим, 72 нафар тариқи мусобиқаҳои интихобии қитъавӣ, 4 варзишгари кишвари мизбон ва 4 нафар тариқи квота ба Токио сафарбар мегарданд.
Роҳхатҳои мустақим (48 адад) дар асоси раддабандии олимпии Федератсияи ҷаҳонии таеквондо тақсим мешавад. Ба панҷгонаи аввали ҳар вазни олимпӣ (40 нафар) варзишгароне ворид мешаванд, ки то финали мусобиқаи Гран Прии декабрии соли 2019 роҳ меёбанд. Дар сурати баробарии холҳои варзишгарон дар раддабандӣ дастоварди онҳо дар мусобиқаҳои қаблӣ ба инобат гирифта мешавад. Инчунин, ғолибони мусобиқаи “WT Grand Slam Champions” (8 нафар) дар моҳи январи соли 2020 соҳиби роҳхати олимпӣ мешаванд. 72 варзишгар (36 мард, 36 зан) ба бозиҳои олимпӣ тариқи мусобиқаҳои қитъавӣ соҳиби роҳхат мешаванд. Аз ҷумла аз қораҳои Африқо, Аврупо, Амрико, Осиё 16-нафарӣ (2 роҳхат дар ҳамаи вазнҳо) ва аз қораи Уқёнус 8 нафар барои иштирок дар олимпиада интихоб мешаванд.
Далер Фозилов, сармураббии тими мунтахаби таеквондои ВТФ, андеша дорад, ки баҳри роҳ ёфтан ба бозиҳои олимпӣ моро мебояд аз 32 мусобиқа ҳади ақал дар 15-тоаш ширкат намоем: “Соли 2019 дар ҳама намуди варзиш, алалхусус таеквондо соли дарёфти холҳо мебошад. Барои ба даст овардани холҳо 25 мусобиқа баргузор мегардад. Варзишгарони тоҷик назар ба дигар варзишгарон аз ҷиҳати ҷисмонӣ пурқувват мебошанд. Танҳо моро мебояд дар соли 2019, ки 32 мусобиқаи байналмилалӣ мегузарад, дар 15-тоаш ё аз он боло ширкат намуда, ба холҳои бозиҳои олимпӣ наздик шавем. Аввалин маротиба варзишгарони тоҷик дар мусобиқаи интихобии бозиҳои олимпӣ 2012 ширкат намуда, ҷойи сеюмро сазовор шуда, ба Бозиҳои олимпии Лондон роҳхат гирифта буданд. Соли 2016 варзишгарони мо дар даври интихобӣ низ ҷои сеюмро касб намуда буданд. Бо сабаби иваз шудани қоидаи мусобиқа, (яъне танҳо ҷойҳои якум ва дуюм ҳаққи ба даст овардани роҳхати Бозиҳои тобистонаи олимпии Рио-де-Жанейро-2016-ро доранд) бенасиб монда буданд. Тахмин меравад, ки барои роҳхати Бозиҳои тобиистонаи Токио-2020 дар даври интихобӣ танҳо мақоми аввал роҳхатро ба даст меорад. Аз ин лиҳоз варзишгарони моро мебояд соли 2019 дар мусобиқаҳои байналмилалӣ бештар ширкат намоянд”,- гуфт Ф. Далер.
Сол ба сол таваҷҷуҳ дар кишвар ба ин намуди варзиш зиёд гардида, шароити варзишгарон хуб шуда истодааст. Бояд гуфт дар ин намуди варзиш духтарон низ таваҷҷуҳ намуда истодаанд. Барои роҳхат гирифтан ба бозиҳои олимпӣ ду нафар аз бонувони тими мунтахаби таеквондои кишвар Моҳру Ҳалимова (Душанбе) ва Манижа Маткаримова (Кӯлоб) бо квотаи президентӣ сарфароз гардидаанд.
Дастаи яккачини Федератсияи таеквондои кишвар нақша дорад, ки соли 2019 дар 18 мусобиқаи байналмилалӣ ва ҷумҳуриявӣ ширкат намуда, то бозиҳои олимпӣ 5 машқи таълимӣ ва тамриниро берун аз кишвар баргузор намояд.
Хабарҳои дигар
Рӯзнома
Эзоҳи худро нависед