Тими мунтахаби ҷавонони Тоҷикистон дар даври дуюми марҳилаи гурӯҳии мусобиқаи байналмилалӣ ба хотираи Валентин Гранаткин дар шаҳри Санкт-Петербург аз дастаи Булғористон бо ҳисоби 0:1 шикаст хурд.

Тақдири бозиро голи ягонаи Кирилл Николов, ки дар дақиқаи 43 зад, ҳал кард. Дар бозии дигари гурӯҳ Юнон бар Эстония ғолиб омад - 4:0.

Баъд аз ду давр дар гурӯҳи "А" бо 4 хол тими Булғористон пешсаф аст. Тоҷикистон ва Юнон сехолӣ доранд. Эстония бо як хол дар ҷои охир аст.

Тақдири дастаҳо дар даври охир ҳал мешавад. 12 январ шогирдони Виталия Левченко бо ҳамсолонашон аз Эстония вомехуранд. Бозӣ соати 14:00 бо вақти Душанбе оғоз мегардад.