ВАРЗИШ
Шанбе 17 Январ 2026 09:37
Федератсияи байналмилалии ҷудо рӯзи 4 декабр радабандии навшудаи ҷаҳониро барои соли 2025 нашр намуд, ки 5 ҷудокори тоҷик дар қатори 10-гонаи беҳтаринҳои ҷудо қарор доранд. Ин феҳраст боз як бори дигар собит кард, ки ҷудои тоҷик дар чанд соли охир ба марҳилаи нави рушд ворид шудааст.
Шумори ҳарчи бештари паҳлавонони тоҷик дар миёни беҳтаринҳои ҷаҳон, мавқеъҳои баланд дар вазнҳои мухталиф ва медалҳои дар мусобиқаҳои сатҳи ҷаҳонӣ бадастомада аз такмили сатҳи тайёрӣ, таҷрибаи байналмилалӣ ва болоравии маҷмуи мактаби ҷудои кишвар шаҳодат медиҳанд. Ин раванд тасодуфӣ нест, балки он натиҷаи сиёсати нишондоди Федератсияи ҷудои Тоҷикистон, афзоиши шумори мусобиқаҳои дохилӣ ва байналмилалӣ, инчунин фаъолияти мутахассисони маҳаллӣ ва шарикони хориҷӣ мебошад.
Дар садри натиҷаҳои ҷудокорони тоҷик дар феҳрасти ҷаҳонӣ Эмомалӣ Нуралӣ қарор дорад, ки имсол ба яке аз чеҳраҳои асосии вазни то 66 килои ҷудои ҷаҳон табдил ёфт. Ӯ бо 4716 имтиёз зинаи дувуми ҷадвалро ишғол мекунад ва аз рақиби асосии ҷопониаш бо таҷрибаи бузург - Такеши Такеока камтар аз 700 имтиёз ақиб мемонад. Нуралӣ на танҳо дар мавсим натиҷаҳои баланд ба даст овард, балки дар тамоми мусобиқаҳои муҳим номи худро дар қатори беҳтаринҳои вазни хеш нигоҳ дошт. Нуқраи қаҳрамонии ҷаҳон дар Будапешт, ки аз ҷиҳати сатҳ дувумин мусобиқаи муҳим баъди Бозиҳои олимпӣ дониста мешавад, собит кард, ки ӯ ба қатори ситораҳои ҷаҳонӣ дохил шудааст. Медали биринҷӣ дар қаҳрамонии қитъавӣ ва тиллои “Dushanbe Grand Slam-2025” нишон дод, ки ӯ тавонистааст дар тамоми мавсим устувор бимонад ва натиҷаҳои худро нигаҳ дорад. Ин собит месозад, ки ҷудои тоҷик дар вазни 66 кило имрӯз соҳиби ду ситораи дурахшон – Эмомалӣ Нуралӣ ва Обид Ҷебов мебошад.
Темур Раҳимов низ яке аз сутунҳои ҷудои тоҷик дар саҳнаи ҷаҳонӣ боқӣ мемонад. Ӯ дар вазни беш аз 100 кило бо 4245 имтиёз дар зинаи сеюм қарор дорад. Ин вазн яке аз рақобатбарангезтарин вазнҳои ҷаҳони ҷудо ба ҳисоб меравад, зеро ҳамеша варзишгарони пурқувват аз Русия, Гурҷистон, Ҷопон ва Узбекистон дар зинаҳои боло қарор мегиранд. Бо вуҷуди ин, Раҳимов муваффақ шудааст чанд сол пайдарпай мавқеи худро нигоҳ дорад. Соли 2025 низ барои ӯ соли бобарор буд, медали биринҷии қаҳрамонии ҷаҳон, биринҷии Осиё, тиллои мусобиқаи бузурги байналмилалии Душанбе ва нуқраи Бозиҳои ҳамбастагии исломӣ ӯро дар миёни муҳаррикҳои асосии ҷудои тоҷик нигоҳ дошт. Мавқеи сеюм дар ҷаҳон, бахусус дар вазни сангинтарин, худ як дастоварди бузург аст, зеро рақибони ин вазн қариб ҳамаи кишварҳои пешсафи ҷудоро намояндагӣ мекунанд.
Дар қатори пешсафони ҷудои тоҷик номи Обид Ҷебов низ дурахшон аст. Ӯ дар вазни то 66 кило мақоми сеюми ҷаҳонро ишғол мекунад ва ин натиҷа барои ҷудокоре, ки ҳанӯз чанд сол пеш роҳ ба сатҳи ҷаҳониро оғоз карда буд, комёбии бузург аст. Медали биринҷии қаҳрамонии ҷаҳон, ки ӯро ба қатори варзишгарони дорои потенсиали олимпӣ ворид мекунад, далолат бар он месозад, ки мактаби ҷудои тоҷик дар ин вазн имкон дорад дар солҳои наздик ба яке аз марказҳои тавонои ҷаҳон табдил ёбад. Ҷебов мавсимро хеле хуб ва бо равиши болоравӣ пушти сар намуд, ки ин имкон медиҳад ӯ соли оянда ҷойи худро дар миёни ситораҳо боз ҳам таҳким бахшад.
Сомон Маҳмадбеков, яке аз умедҳои дигари ҷудои тоҷик, дар феҳрист ҷойгоҳи баландро соҳиб шудааст. Бо 3537 имтиёз ва зинаи шашум дар вазни то 81 кило, ки аз рақобатбарангезтарин вазнҳо ба ҳисоб меравад. Дар ин вазн Маҳмадбеков исбот кард, ки сатҳу сифати омодагӣ ва рақобатҳояш ҷавобгӯи дар қатори беҳтаринҳо будан аст. Фаъолнокии ӯ дар чанд соли охир равшан мушоҳида мешавад, иҷрои устувор, иштироки мунтазам дар мусобиқаҳои калон, таҷрибаи мураббиён ва дастгирии Федератсия ба ӯ имкон дод, ки миёни даҳгонаи беҳтаринҳо ҷой бигирад.
Ҷаҳонгир Маҷидов дар вазни то 100 кило бо 3925 имтиёз дар зинаи нуҳум қарор гирифтааст. Ин натиҷа низ аз мавқеи устувори ӯ дар арсаи байналмилалӣ шаҳодат медиҳад. Вазни то 100 кило аз нигоҳи рақобат яке аз пурқувваттарин гурӯҳҳо мебошад, аммо Маҷидов тавонис-тааст бо маҳорати фавқулода ва натиҷаҳои устувор миёни даҳгонаи беҳтаринҳо бошад, ки ин барои варзишгарони тоҷик дастоварди бениҳоят муҳим аст.
Дар канори ин панҷ нафари пешсаф, боз ҳам чанд тан аз ҷудокорони кишвар дар қатори 25-гонаи радабандӣ ва 50-гонаи радабандии беҳтаринҳои ҷаҳон ҷой доранд, ки Абубакр Шеров, Муҳиддин Асадуллоев, Меҳрзод Суфиев, Муҳаммадсолеҳ Қувватов, Масъуди Аҳмадзод, Беҳрӯзи Хоҷазода ва Кароматулло Ҳакимов дар вазнҳои мухталиф ҷойҳои арзандаро соҳиб шудаанд. Мавҷудияти чунин шумори ҷудокорони тоҷик дар радабандии ҷаҳонӣ бесобиқа аст ва нишон медиҳад, ки ҷудои тоҷик на танҳо чанд варзишгари инфиродӣ, балки як мактаби баркамол, як насли пурра ва як низоми устувори тайёркунии варзишгаронро ба вуҷуд овардааст.
Қадамҳои аввалини ҷудои тоҷик дар бахши занона низ натиҷаҳои чашмгир ба бор овардаанд. Александра Кан, Мадина Қурбонзода, Аҳлия Муъминова, Виктория Киселёва ва Зуҳал Ҷумъаева, ки дар вазнҳои мухталиф ба радабандии ҷаҳонӣ ворид шудаанд, собит месозанд, ки рушди ҷудои занона дар Тоҷикистон ба марҳилаи нави ташаккул ворид шудааст. Агар чанд сол пеш шумори ҷудокорзанони тоҷик дар мусобиқаҳои байналмилалӣ кам бошад, имрӯз онҳо қадамҳои устувор мегузоранд ва ҷойҳоеро, ки ба онҳо ҳатман солҳои наздик муваффақиятҳои назаррас хоҳанд дод, ишғол мекунанд.
Агар ба натиҷаҳои ҳамаи ин варзишгарон аз нигоҳи таҳлилӣ назар афканем, баръало намоён аст, ки соли 2025 беҳтарин соли ҷудои тоҷик дар арсаи ҷаҳонӣ буд. Се медал аз Чемпионати ҷудои ҷаҳон - як нуқра ва ду биринҷӣ дар миёни бузургсолон, инчунин тиллои Муҳиддин Асадуллоев дар қаҳрамонии ҷаҳонии ҷавонон аз Лима нишон доданд, ки Тоҷикистон имрӯз дар ин ришта рақиби ҷиддии кишварҳои пешрафта ба ҳисоб меравад. Рушди инфиродӣ, густариши базаи варзишгарон, иштироки мунтазам дар мусобиқаҳои сатҳи баланд ва мавқеъҳои устувор дар радабандии ҷаҳонӣ шаҳодат аз он медиҳад, ки ҷудои тоҷик дар остонаи як давраи нав қарор дорад. Давраи натиҷаҳои бузург, давраи рақобати ҳақиқӣ бо мактабҳои ҷудои Ҷопон, Русия, Гурҷистон, Узбекистон ва Корея.
Бо назардошти мавҷудияти чунин варзишгарони боис-теъдод ва барномаҳои дарозмуддати рушди ҷудо дар кишвар эҳтимол меравад, ки Тоҷикистон солҳои наз-дик дар Бозиҳои олимпӣ ва қаҳрамониҳои ҷаҳон ба натиҷаҳои боз ҳам баланд даст ёбад.
Бояд иқрор шуд, ки соли 2025 на танҳо соли медалҳо, балки соли эътимод, соли собит намудани мавқеи худ ва соли навиштани саҳифаҳои нав дар таърихи ҷудои тоҷик гардид.
Яҳё МАҲМАДНАБИЕВ, “ҶТ”
Шумори ҳарчи бештари паҳлавонони тоҷик дар миёни беҳтаринҳои ҷаҳон, мавқеъҳои баланд дар вазнҳои мухталиф ва медалҳои дар мусобиқаҳои сатҳи ҷаҳонӣ бадастомада аз такмили сатҳи тайёрӣ, таҷрибаи байналмилалӣ ва болоравии маҷмуи мактаби ҷудои кишвар шаҳодат медиҳанд. Ин раванд тасодуфӣ нест, балки он натиҷаи сиёсати нишондоди Федератсияи ҷудои Тоҷикистон, афзоиши шумори мусобиқаҳои дохилӣ ва байналмилалӣ, инчунин фаъолияти мутахассисони маҳаллӣ ва шарикони хориҷӣ мебошад.
Дар садри натиҷаҳои ҷудокорони тоҷик дар феҳрасти ҷаҳонӣ Эмомалӣ Нуралӣ қарор дорад, ки имсол ба яке аз чеҳраҳои асосии вазни то 66 килои ҷудои ҷаҳон табдил ёфт. Ӯ бо 4716 имтиёз зинаи дувуми ҷадвалро ишғол мекунад ва аз рақиби асосии ҷопониаш бо таҷрибаи бузург - Такеши Такеока камтар аз 700 имтиёз ақиб мемонад. Нуралӣ на танҳо дар мавсим натиҷаҳои баланд ба даст овард, балки дар тамоми мусобиқаҳои муҳим номи худро дар қатори беҳтаринҳои вазни хеш нигоҳ дошт. Нуқраи қаҳрамонии ҷаҳон дар Будапешт, ки аз ҷиҳати сатҳ дувумин мусобиқаи муҳим баъди Бозиҳои олимпӣ дониста мешавад, собит кард, ки ӯ ба қатори ситораҳои ҷаҳонӣ дохил шудааст. Медали биринҷӣ дар қаҳрамонии қитъавӣ ва тиллои “Dushanbe Grand Slam-2025” нишон дод, ки ӯ тавонистааст дар тамоми мавсим устувор бимонад ва натиҷаҳои худро нигаҳ дорад. Ин собит месозад, ки ҷудои тоҷик дар вазни 66 кило имрӯз соҳиби ду ситораи дурахшон – Эмомалӣ Нуралӣ ва Обид Ҷебов мебошад.
Темур Раҳимов низ яке аз сутунҳои ҷудои тоҷик дар саҳнаи ҷаҳонӣ боқӣ мемонад. Ӯ дар вазни беш аз 100 кило бо 4245 имтиёз дар зинаи сеюм қарор дорад. Ин вазн яке аз рақобатбарангезтарин вазнҳои ҷаҳони ҷудо ба ҳисоб меравад, зеро ҳамеша варзишгарони пурқувват аз Русия, Гурҷистон, Ҷопон ва Узбекистон дар зинаҳои боло қарор мегиранд. Бо вуҷуди ин, Раҳимов муваффақ шудааст чанд сол пайдарпай мавқеи худро нигоҳ дорад. Соли 2025 низ барои ӯ соли бобарор буд, медали биринҷии қаҳрамонии ҷаҳон, биринҷии Осиё, тиллои мусобиқаи бузурги байналмилалии Душанбе ва нуқраи Бозиҳои ҳамбастагии исломӣ ӯро дар миёни муҳаррикҳои асосии ҷудои тоҷик нигоҳ дошт. Мавқеи сеюм дар ҷаҳон, бахусус дар вазни сангинтарин, худ як дастоварди бузург аст, зеро рақибони ин вазн қариб ҳамаи кишварҳои пешсафи ҷудоро намояндагӣ мекунанд.
Дар қатори пешсафони ҷудои тоҷик номи Обид Ҷебов низ дурахшон аст. Ӯ дар вазни то 66 кило мақоми сеюми ҷаҳонро ишғол мекунад ва ин натиҷа барои ҷудокоре, ки ҳанӯз чанд сол пеш роҳ ба сатҳи ҷаҳониро оғоз карда буд, комёбии бузург аст. Медали биринҷии қаҳрамонии ҷаҳон, ки ӯро ба қатори варзишгарони дорои потенсиали олимпӣ ворид мекунад, далолат бар он месозад, ки мактаби ҷудои тоҷик дар ин вазн имкон дорад дар солҳои наздик ба яке аз марказҳои тавонои ҷаҳон табдил ёбад. Ҷебов мавсимро хеле хуб ва бо равиши болоравӣ пушти сар намуд, ки ин имкон медиҳад ӯ соли оянда ҷойи худро дар миёни ситораҳо боз ҳам таҳким бахшад.
Сомон Маҳмадбеков, яке аз умедҳои дигари ҷудои тоҷик, дар феҳрист ҷойгоҳи баландро соҳиб шудааст. Бо 3537 имтиёз ва зинаи шашум дар вазни то 81 кило, ки аз рақобатбарангезтарин вазнҳо ба ҳисоб меравад. Дар ин вазн Маҳмадбеков исбот кард, ки сатҳу сифати омодагӣ ва рақобатҳояш ҷавобгӯи дар қатори беҳтаринҳо будан аст. Фаъолнокии ӯ дар чанд соли охир равшан мушоҳида мешавад, иҷрои устувор, иштироки мунтазам дар мусобиқаҳои калон, таҷрибаи мураббиён ва дастгирии Федератсия ба ӯ имкон дод, ки миёни даҳгонаи беҳтаринҳо ҷой бигирад.
Ҷаҳонгир Маҷидов дар вазни то 100 кило бо 3925 имтиёз дар зинаи нуҳум қарор гирифтааст. Ин натиҷа низ аз мавқеи устувори ӯ дар арсаи байналмилалӣ шаҳодат медиҳад. Вазни то 100 кило аз нигоҳи рақобат яке аз пурқувваттарин гурӯҳҳо мебошад, аммо Маҷидов тавонис-тааст бо маҳорати фавқулода ва натиҷаҳои устувор миёни даҳгонаи беҳтаринҳо бошад, ки ин барои варзишгарони тоҷик дастоварди бениҳоят муҳим аст.
Дар канори ин панҷ нафари пешсаф, боз ҳам чанд тан аз ҷудокорони кишвар дар қатори 25-гонаи радабандӣ ва 50-гонаи радабандии беҳтаринҳои ҷаҳон ҷой доранд, ки Абубакр Шеров, Муҳиддин Асадуллоев, Меҳрзод Суфиев, Муҳаммадсолеҳ Қувватов, Масъуди Аҳмадзод, Беҳрӯзи Хоҷазода ва Кароматулло Ҳакимов дар вазнҳои мухталиф ҷойҳои арзандаро соҳиб шудаанд. Мавҷудияти чунин шумори ҷудокорони тоҷик дар радабандии ҷаҳонӣ бесобиқа аст ва нишон медиҳад, ки ҷудои тоҷик на танҳо чанд варзишгари инфиродӣ, балки як мактаби баркамол, як насли пурра ва як низоми устувори тайёркунии варзишгаронро ба вуҷуд овардааст.
Қадамҳои аввалини ҷудои тоҷик дар бахши занона низ натиҷаҳои чашмгир ба бор овардаанд. Александра Кан, Мадина Қурбонзода, Аҳлия Муъминова, Виктория Киселёва ва Зуҳал Ҷумъаева, ки дар вазнҳои мухталиф ба радабандии ҷаҳонӣ ворид шудаанд, собит месозанд, ки рушди ҷудои занона дар Тоҷикистон ба марҳилаи нави ташаккул ворид шудааст. Агар чанд сол пеш шумори ҷудокорзанони тоҷик дар мусобиқаҳои байналмилалӣ кам бошад, имрӯз онҳо қадамҳои устувор мегузоранд ва ҷойҳоеро, ки ба онҳо ҳатман солҳои наздик муваффақиятҳои назаррас хоҳанд дод, ишғол мекунанд.
Агар ба натиҷаҳои ҳамаи ин варзишгарон аз нигоҳи таҳлилӣ назар афканем, баръало намоён аст, ки соли 2025 беҳтарин соли ҷудои тоҷик дар арсаи ҷаҳонӣ буд. Се медал аз Чемпионати ҷудои ҷаҳон - як нуқра ва ду биринҷӣ дар миёни бузургсолон, инчунин тиллои Муҳиддин Асадуллоев дар қаҳрамонии ҷаҳонии ҷавонон аз Лима нишон доданд, ки Тоҷикистон имрӯз дар ин ришта рақиби ҷиддии кишварҳои пешрафта ба ҳисоб меравад. Рушди инфиродӣ, густариши базаи варзишгарон, иштироки мунтазам дар мусобиқаҳои сатҳи баланд ва мавқеъҳои устувор дар радабандии ҷаҳонӣ шаҳодат аз он медиҳад, ки ҷудои тоҷик дар остонаи як давраи нав қарор дорад. Давраи натиҷаҳои бузург, давраи рақобати ҳақиқӣ бо мактабҳои ҷудои Ҷопон, Русия, Гурҷистон, Узбекистон ва Корея.
Бо назардошти мавҷудияти чунин варзишгарони боис-теъдод ва барномаҳои дарозмуддати рушди ҷудо дар кишвар эҳтимол меравад, ки Тоҷикистон солҳои наз-дик дар Бозиҳои олимпӣ ва қаҳрамониҳои ҷаҳон ба натиҷаҳои боз ҳам баланд даст ёбад.
Бояд иқрор шуд, ки соли 2025 на танҳо соли медалҳо, балки соли эътимод, соли собит намудани мавқеи худ ва соли навиштани саҳифаҳои нав дар таърихи ҷудои тоҷик гардид.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед