ВАРЗИШ
Панҷшанбе 23 Январ 2025 03:19
Ё Парчами давлатӣ дар баландтарин қуллаи варзиш бо шарофати ҷудокорон дар як соли охир
Федератсияи ҷудои Тоҷикистон аз соли 2004 фаъолияти худро оғоз намуд, аммо тибқи оиннома ва шаҳодатномаи Вазорати адлияи Ҷумҳурии Тоҷикистон аз санаи 8 октябри соли 2009 фаъолияти расмии хешро ба роҳ монд. Гарчанде Федератсияи ҷудои кишвар аз соли 2009 фаъолияти расмӣ намояд, вале дастовардҳои намоёни он ба ду соли охир рост меоянд. Аз ҷумла, соли 2024 кулвори хотироти Федератсияи ҷудои Тоҷикистон пур аз хотироти фараҳбахшу баёдмонданӣ буд.
Ҳоло ки дар остонаи Рӯзи Парчами давлатӣ қарор дорем ва дар соли 2024 ба шарофати ҷудокорони баору номус ливои меҳан чандин маротиба дар майдонҳои бузурги гетӣ парафшон гашт, суҳбате намудем бо ноиби аввали Федератсияи ҷудои Тоҷикистон Эргаш Маҳмадбеков.
- Чун дар остонаи Рӯзи Парчами давлатӣ қарор дорем ва бешубҳа ливобардорони меҳан варзишгарон маҳсуб меёбанд. Соли равон Федератсияи ҷудои кишвар беҳтарин натиҷаҳоро нишон дод. Шумо гуфта метавонед, ки ҷудокорони кишвар дар ин сол чанд маротиба дар мусобиқаҳои байналмилалӣ парчамбардорӣ намуданд?
- Соли 2024 барои ман ва тамоми мухлисони варзиш соли пурбаракат буд. Танҳо дар ин сол ҷудокорони мо тавонистанд, ки дар мусобиқаҳои бонуфузи байналмилалӣ 20 медал ба даст оранд. Аз ҷумла, Эмомалӣ Нуралӣ ва Муҳаммадсолеҳ Қуватов ба Тоҷикистон ду медали тилло аз мусобиқаи Гранд Слам оварданд. Виктория Киселёва бо ба даст овардани медали тиллои Ҷоми Осиё таърихи нави ҷудои занонаи Тоҷикистонро оғоз кард. Сомон Маҳмадбеков пас аз 17 сол барои Тоҷикистон аз Чемпионати ҷаҳон медали биринҷӣ ба даст овард. Дар Бозиҳои олимпӣ Сомон Маҳмадбеков ва Темур Раҳимов бо ба даст овардани ду медали биринҷӣ барои кишвари азизамон фахр офариданд.
- Федератсияи ҷудои Тоҷикистон аз соли 2009 расман фаъолият мекунад, аммо баргузории мусобиқаҳои байналмилалии ҷудо ба мисли сайри ҷаҳонии ҷудо ва Чемпионати ҷаҳони ҷудо байни наврасон солҳои охир, аниқтараш давоми соли 2023-2024 баргузор гардиданд. Ба назари шумо чӣ омилҳое вазъи Федератсияи ҷудои кишварро дар кӯтоҳтарин муддат хубтару беҳтар намуд?
- Давоми ду соли охир Федератсияи ҷудои Тоҷикистон ба комёбиҳои назаррасе ноил гардид. Ин рушди босуръат ба шарофати сиёсати мақсадноки Пешвои миллат муҳтарам Эмомалӣ Раҳмон, дастгириҳои ҳамешагии Рустами Эмомалӣ ва зери роҳбарии президенти Федератсия Исмоил Маҳмадзоир амалӣ карда мешавад, имконпазир гардид. Ҳамин буд, ки Федератсия ба сатҳи нави рушд баромад. Низоми нави омодагии варзишгарон, ки дар такмили малакаҳои техникӣ, иштироки мунтазам дар ҷамъомадҳои байналмилалӣ, ҷалби мутахассисони баландтаҷрибаву кордон ва иштироки беҳтарин варзишгарони мамлакат дар мусобиқаҳои бонуфузи ҷаҳонӣ мебошад, таҳия ва ҷорӣ карда шуд. Ин равиш ба ҷудокорони мо имкон дод, ки сатҳи омодагии худро баланд бардоранд ва ба ҷойҳои бонуфуз ноил гарданд, ки обрӯи ҷудои тоҷикро дар арсаи ҷаҳонӣ ба маротиб боло бурдааст. Ба ин тартиб ва ба шарофати маҷмӯи чорабиниҳое, ки аз ҷониби Федератсияи ҷудои Тоҷикистон зери роҳбарии муҳтарам Исмоил Маҳмадзоир амалӣ карда шуданд, ҷудои тоҷик ба қуллаҳои нав ноил гардид ва аз ҷониби ҷомеаи ҷаҳонии варзиш эътироф карда шуд. Баргузории мусобиқаҳои бузурги байналмилалӣ, ба монанди Чемпионати ҷаҳон байни ҷавонон, Гранд При ва Гранд Слам дар кишвари азизамон ин далели рушди ҷудои тоҷик дар сатҳи ҷаҳонӣ мебошад.
- Бешубҳа пас аз президенти Федератсияи ҷудои Тоҷикистон таъин гардидани Исмоил Маҳмадзоир пешравиҳои назаррас дар кори федератсия дида мешавад. Ба андешаи шумо беҳтарин дастоварди ҷудокорони меҳан дар ин давра кадом аст?
- Ду медали биринҷӣ дар Бозиҳои олимпӣ барои варзиши мо ин натиҷаи бузург аст ва нишон дод, ки мо дар самти дуруст пеш рафта истодаем. Ғайр аз ин, аввалин бор ба даст овардани 7 роҳхати Бозиҳои олимпӣ. Медали биринҷии Чемпионати ҷаҳон ва медали тиллои Бозиҳои Осиёӣ Сомон Маҳмадбеков соли 2023. Ин натиҷаҳои арзандаи ҷудокорони мо тавонист ҳамаи моро дар хақиқат шод гардонида, он дар таърихи варзиши кишварамон бо ҳарфҳои заррин навишта шавад.
- Дар ба даст овардани ҷоизаҳои байналмилалӣ дар самти ҷудо нақши кадом мактаби варзишии кишвар зиёд аст?
- Бешубҳа, саҳми аксари мураббиёни мо, ки бо кордонию маҳорати баланд ва таҷрибаи худ тавонистанд якчанд насли ҷудокорони боистеъдодро тарбия кунанд, бебаҳо аст. Маҳз бо заҳмату талошҳои мураббиён ва меҳнати садоқатмандонаи онҳо варзишгарони мо борҳо ғолиби мусобиқаҳои байналмилалӣ гардиданд. Мураббиён, масалан, аз мактаби захираҳои олимпии шаҳри Душанбе, мактаби ҷумҳуриявии маҳорати олии варзишии намудҳои гӯштин ва дигар клубу сексияҳои шаҳри Душанбе ва шаҳру ноҳияҳо буданд. Аммо аз ҳама муҳимаш, мо тавонистем ҳамаи варзишгаронро дар заминаи клуби ҷудои “Хоҷи Шариф” муттаҳид намуда, низоми нави мукаммалгардонии маҳорати варзиширо ба роҳ монда, бо коршиносони хориҷиву дохилӣ самаранок омода созем.
- Бешубҳа, соли равон кори Федератсияи ҷудо бисёр назаррасу олӣ буд. Гуфта метавонед, ки муҳимтарин дастоварди федератсия дар соли равон кадом буд?
- Ба ҷуз аз дастоварду медалҳои дар боло зикршуда, метавонам таъкид намоям, ки ду чорабинии таърихии сатҳи ҷаҳонӣ бори нахуст дар шаҳри Душанбе баргузор гардид. Бо ташаббуси Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ва президенти Федератсияи ҷудои Тоҷикистон Исмоил Маҳмадзоир дар ҳамоҳангӣ бо Федератсияи байналмилалии ҷудо дар таърихи варзишӣ дар пойтахти кишварамон Гранд- Слам Душанбе -2024 ва Чемпионати ҷаҳон оид ба ҷудо байни ҷавонон гузаронида шуд. Дар ин мусобиқаҳои бонуфуз ситораҳои ҷудои ҷаҳон, мисли Тедди Ринер, Шохей Оно ва ғайраҳо иштирок ва қувваозмоӣ карданд.
- Давоми як сол бо ташаббуси Федератсияи ҷудо, Душанбе мизбони ду мусобиқаи бонуфузи сайри ҷаҳонии ҷудо (Гран-При, Гран-Слам) ва Чемпионати ҷаҳонии ҷудо байни ҷавонон гардид. Дар оянда федератсия нақша дорад, ки боз ҳам чунин мусобиқаҳоро дар кишвар баргузор намояд?
- Имрӯз мо бо боварии комил гуфта метонем, ки Тоҷикистон қудрати мизбонии чорабиниҳои сатҳи ҷаҳониро дорад. Рӯз то рӯз шароитҳои хубтар барои рушди варзиш муҳайё мегардад. Ба шарофати сиёсати хирадмандонаи Пешвои миллат, муҳтарам Эмомалӣ Раҳмон ва сулҳу субот варзиш дар Тоҷикистон нашъунамои воқеиро эҳсос мекунад. Муваффақияти варзишгарони мо, обрӯи варзиши тоҷикро дар арсаи байналмилалӣ баланд бардошт. Дар соли 2025 ба нақша гирифтем, ки ба ғайр аз Гранд-Слам Душанбе-2025, мусобиқаҳои Ҷоми Осиё байни наврасон ва ҷавонон баргузор намоем ва бо боварии комил гуфта метавонам, ки мо ҳамаи мусбиқаҳои сатҳи ҷаҳониро дар кишвари азизамон баргузор менамоем.
- Маҳмадбек Маҳмадбеков ҷудокори номошнои тоҷик, ки ҳоло аз номи АМА баромад мекунад ва дар олами ҷудои ҷаҳон яке аз беҳтаринҳо дониста мешавад. Оё Федератсия аз ҳайати Тоҷикистон баромад кардани ин варзишгар ягон чора андешид?
- Маҳмадбек Маҳмадбеков барандаи медалҳои сершумори мусобиқаҳои бонуфузи байналмилалӣ мебошад. Бояд гуфт, ки Маҳмадбек ҷудокори дилхоҳи ҳар як тими миллии ҷаҳон аст. Вале мо имрӯз таваҷҷуҳи худро ба варзишгарони наврасу ҷавон равона намудем, ки онҳо тавонанд дар миқёси ҷаҳон ба натиҷаҳои назаррас ниол гарданд. Дар вазни 73 кг, ки вазни Маҳмадбек мебошад, мо имрӯз рақобатпазирии баланд дорем. Ҷудокорони ҷавони мо иқтидори калон доранд ва дар сурати омодагии дуруст ва дастгирии ҳамаҷониба метавонанд на танҳо аз комёбиҳои Махмадбеку Сомону Темурро такрор кунанд, балки аз онҳо ҳам пеш гузаранд. Федератсия барои рушду камоли варзишгарони наврас тамоми шароити заруриро фароҳам оварда, ба онҳо имкони дастрасии замонавии тамрин ва мураббиёни баландихтисосро фароҳам овардааст. Мо бовар дорем, ки насли ҷавони ҷудокорони тоҷик анъанаҳои пуршарафи варзиши моро идома дода, дар арсаи байналмилалӣ ба дастовардҳои боз ҳам баландтар ноил мегарданд.
- Мактабҳои ҷудои Ҷопон дар роҳи омода намудани ҷудокорони касбӣ дар ҷаҳон ҳамто надоранд. Оё Федератсияи ҷудои Тоҷикистон ҳам барои таълими ҷудокорон мутахассисони ҷопониро ҷалб намудааст?
- Мо хоҳиши нусхабардорӣ ё такрор кардани усули таълимии ҷопониро надоштем. Мо якҷоя усулҳои нави тайёр кардани варзишгарони дараҷаи олиро ҷустуҷӯ кардем ва фаҳмидем, ки барои ноил шудан ба қуллаҳои нав роҳҳои ҳалли ғайристандартиро ворид кардан лозим аст. Бинобар ин, мо низоми худро ҷиҳати тайёр намудани варзишгарони рақобатпазир кор карда баромадем, ки он омезиши усулҳои анъанавӣ ва равишҳои муосири илмиро ба назар мегирад. Ба шарофати ин, варзишгарони мо имрӯз дар арсаи байналмилалӣ натиҷаҳои пайваста баланд нишон дода истодаанд.
- Барои омода гардидан ба мусобиқаҳои бунуфузи ҷудо машқҳои дастаҷамъонаи ҳайати мунтахаби ҷудои кишвар ба ҷуз аз Тоҷикистон боз дар кадом кишварҳо баргузор мегарданд?
- Дар бораи машқҳои дастаҷамъонаи ҳайати мунтахаби ҷудои кишвар бояд гуфт, мо кӯшиш менамоем, ки онҳоро дар кишварҳое, ки дараҷаи рақобати баланд ва варзишгарони пурқувват доранд, ташкил ва иштирок намоем. Дар миёни ин кишварҳо Ҷопон, Русия, кишварҳои Аврупо, Узбакистон ва ғайра ҳастанд. Ин ба варзишгарони мо имкон медиҳад, ки миёни варзишгарони пурқувват таҷрибаи бебаҳо ба даст оранд, маҳорати худро инкишоф диҳанд ва рақобатпазирии худро дар арсаи байналмилалӣ баланд бардоранд. Ногуфта намонад, ки омода гардидан ба мусобиқаҳои бунуфузи Осиёву ҷаҳонӣ ин раванди мураккабест, ки банақшагирии дақиқ ва ба назар гирифтани як чанд омилҳоро талаб мекунад. Ҳамзамон, муайян кардани ҳадаф ва вазифаҳои мушаххас ба раванди тамрин ба муқаррар гардонидани самаранокии он мусоидат менамояд. Мисол, мураббиён дар ҷараёни тамринҳо камбудиҳои омодагии варзишгарони худро дар машқварзӣ муайян намуда, таҳлил менамоянд ва барои бартараф кардани онҳо усулҳои навро меомӯзанд ва татбиқ мекунанд.
- Ба андешаи шумо барои як ҷудокор дар роҳи расидан ба муваффақият ва парчамбардор гардидан, бештар аз ҳама чӣ лозим аст?
- Роҳи ҳар як варзишгар ба сӯи муваффақият инфиродист. Ягон усул ё методикаи универсалӣ вуҷуд надорад, ки муваффақиятро кафолат диҳад. Бо вуҷуди ин, сифатҳои шахсӣ, ба монанди интизом, фидокорӣ, меҳнатдӯстӣ ва як қатор омилҳо имкони расидан ба ҳадафҳоро медиҳад. Барои ноил шудан ба комёбиҳо ва қуллаҳои баланд варзишгар қурбониҳои зиёде мекунад, аз ҷумла ҳаёти шахсии худро.
- Дар ҳоли ҳозир мо метавонем Темур Раҳимов, Сомон Маҳмадбеков, Обид Ҷебов ва чанд тани дигарро қуллаи баланди ҷудои тоҷик унвон диҳем. Ба андешаи шумо аз насли навраси ҷудокорон киҳо метавонанд ҳамсони онҳо гарданд?
- Темур Раҳимов, Сомон Махмадбеков, Комроншоҳ Устопириён, Беҳрӯз Ҳоҷазода, Обид Ҷебов, Эмомалӣ Нуралӣ ва бисёр дигар варзишгарони мо дар ҳақиқат паҳлавонони номвари тоҷик, парчамбардори Тоҷикистон мебошанд, ки ҷудои тоҷикро дар арсаи байналмилалӣ шуҳратманд гардонданд. Ҳамзамон, ин савол аҳамияти муҳимеро дар рушди насли наврас таъкид мекунад. Мо - ҷавонони боистеъдод дорем, ки дар арсаи байналмилалӣ натиҷаҳои назаррас нишон дода, аллакай бо ҷудокорони калонсол ва ботаҷриба қувваозмоӣ мекунанд. Мисол, Абубакр Шеров, Мухиддин Асадуллозода, Парвиз Абдураҳмонов, Лоиқ Қутбиддинов, Мадина Курбонзода, Виктория Киселева ва ғайраҳо мебошанд. Албатта, ба мо лозим меояд, ки боз ҳам бо ғайрати дучанд заҳмат кашида, ҳамаи қувваро ба дарёфти чеҳраҳои нави варзишӣ, ҷалби духтарон, афзун гардонидани шумораи машқварзон ва ноил шудан ба комёбиҳои нав равона намоем.
- Дар охир мехостем умеду бовариҳои шуморо дар бораи ояндаи ҷудои меҳан дониста бошем?
- Пеш аз ҳама, мехоҳам таъкид намоям, ки ҷудои меҳан ба шарофати маҳорати касбии тамоми ҳайати Федератсияи ҷудо таҳти роҳбарии муҳтарам Исмоил Маҳмадзоир метавонад дар арсаи байналмилалӣ боз ҳам бештар ба натиҷаҳо ноил гардад. Ҷудо на танҳо як намуди варзиш, балки метавонад рамзи қувват, ваҳдат ва руҳияи тоҷикон гардад, инчунин ҳамчун ҷузъи ҷудонашавандаи тарзи ҳаёти солими наврасону ҷавонон ва ифтихори миллӣ шавад.
Яҳё МАҲМАДНАБИЕВ, “ҶТ”
Федератсияи ҷудои Тоҷикистон аз соли 2004 фаъолияти худро оғоз намуд, аммо тибқи оиннома ва шаҳодатномаи Вазорати адлияи Ҷумҳурии Тоҷикистон аз санаи 8 октябри соли 2009 фаъолияти расмии хешро ба роҳ монд. Гарчанде Федератсияи ҷудои кишвар аз соли 2009 фаъолияти расмӣ намояд, вале дастовардҳои намоёни он ба ду соли охир рост меоянд. Аз ҷумла, соли 2024 кулвори хотироти Федератсияи ҷудои Тоҷикистон пур аз хотироти фараҳбахшу баёдмонданӣ буд.
Ҳоло ки дар остонаи Рӯзи Парчами давлатӣ қарор дорем ва дар соли 2024 ба шарофати ҷудокорони баору номус ливои меҳан чандин маротиба дар майдонҳои бузурги гетӣ парафшон гашт, суҳбате намудем бо ноиби аввали Федератсияи ҷудои Тоҷикистон Эргаш Маҳмадбеков.
- Чун дар остонаи Рӯзи Парчами давлатӣ қарор дорем ва бешубҳа ливобардорони меҳан варзишгарон маҳсуб меёбанд. Соли равон Федератсияи ҷудои кишвар беҳтарин натиҷаҳоро нишон дод. Шумо гуфта метавонед, ки ҷудокорони кишвар дар ин сол чанд маротиба дар мусобиқаҳои байналмилалӣ парчамбардорӣ намуданд?
- Соли 2024 барои ман ва тамоми мухлисони варзиш соли пурбаракат буд. Танҳо дар ин сол ҷудокорони мо тавонистанд, ки дар мусобиқаҳои бонуфузи байналмилалӣ 20 медал ба даст оранд. Аз ҷумла, Эмомалӣ Нуралӣ ва Муҳаммадсолеҳ Қуватов ба Тоҷикистон ду медали тилло аз мусобиқаи Гранд Слам оварданд. Виктория Киселёва бо ба даст овардани медали тиллои Ҷоми Осиё таърихи нави ҷудои занонаи Тоҷикистонро оғоз кард. Сомон Маҳмадбеков пас аз 17 сол барои Тоҷикистон аз Чемпионати ҷаҳон медали биринҷӣ ба даст овард. Дар Бозиҳои олимпӣ Сомон Маҳмадбеков ва Темур Раҳимов бо ба даст овардани ду медали биринҷӣ барои кишвари азизамон фахр офариданд.
- Федератсияи ҷудои Тоҷикистон аз соли 2009 расман фаъолият мекунад, аммо баргузории мусобиқаҳои байналмилалии ҷудо ба мисли сайри ҷаҳонии ҷудо ва Чемпионати ҷаҳони ҷудо байни наврасон солҳои охир, аниқтараш давоми соли 2023-2024 баргузор гардиданд. Ба назари шумо чӣ омилҳое вазъи Федератсияи ҷудои кишварро дар кӯтоҳтарин муддат хубтару беҳтар намуд?
- Давоми ду соли охир Федератсияи ҷудои Тоҷикистон ба комёбиҳои назаррасе ноил гардид. Ин рушди босуръат ба шарофати сиёсати мақсадноки Пешвои миллат муҳтарам Эмомалӣ Раҳмон, дастгириҳои ҳамешагии Рустами Эмомалӣ ва зери роҳбарии президенти Федератсия Исмоил Маҳмадзоир амалӣ карда мешавад, имконпазир гардид. Ҳамин буд, ки Федератсия ба сатҳи нави рушд баромад. Низоми нави омодагии варзишгарон, ки дар такмили малакаҳои техникӣ, иштироки мунтазам дар ҷамъомадҳои байналмилалӣ, ҷалби мутахассисони баландтаҷрибаву кордон ва иштироки беҳтарин варзишгарони мамлакат дар мусобиқаҳои бонуфузи ҷаҳонӣ мебошад, таҳия ва ҷорӣ карда шуд. Ин равиш ба ҷудокорони мо имкон дод, ки сатҳи омодагии худро баланд бардоранд ва ба ҷойҳои бонуфуз ноил гарданд, ки обрӯи ҷудои тоҷикро дар арсаи ҷаҳонӣ ба маротиб боло бурдааст. Ба ин тартиб ва ба шарофати маҷмӯи чорабиниҳое, ки аз ҷониби Федератсияи ҷудои Тоҷикистон зери роҳбарии муҳтарам Исмоил Маҳмадзоир амалӣ карда шуданд, ҷудои тоҷик ба қуллаҳои нав ноил гардид ва аз ҷониби ҷомеаи ҷаҳонии варзиш эътироф карда шуд. Баргузории мусобиқаҳои бузурги байналмилалӣ, ба монанди Чемпионати ҷаҳон байни ҷавонон, Гранд При ва Гранд Слам дар кишвари азизамон ин далели рушди ҷудои тоҷик дар сатҳи ҷаҳонӣ мебошад.
- Бешубҳа пас аз президенти Федератсияи ҷудои Тоҷикистон таъин гардидани Исмоил Маҳмадзоир пешравиҳои назаррас дар кори федератсия дида мешавад. Ба андешаи шумо беҳтарин дастоварди ҷудокорони меҳан дар ин давра кадом аст?
- Ду медали биринҷӣ дар Бозиҳои олимпӣ барои варзиши мо ин натиҷаи бузург аст ва нишон дод, ки мо дар самти дуруст пеш рафта истодаем. Ғайр аз ин, аввалин бор ба даст овардани 7 роҳхати Бозиҳои олимпӣ. Медали биринҷии Чемпионати ҷаҳон ва медали тиллои Бозиҳои Осиёӣ Сомон Маҳмадбеков соли 2023. Ин натиҷаҳои арзандаи ҷудокорони мо тавонист ҳамаи моро дар хақиқат шод гардонида, он дар таърихи варзиши кишварамон бо ҳарфҳои заррин навишта шавад.
- Дар ба даст овардани ҷоизаҳои байналмилалӣ дар самти ҷудо нақши кадом мактаби варзишии кишвар зиёд аст?
- Бешубҳа, саҳми аксари мураббиёни мо, ки бо кордонию маҳорати баланд ва таҷрибаи худ тавонистанд якчанд насли ҷудокорони боистеъдодро тарбия кунанд, бебаҳо аст. Маҳз бо заҳмату талошҳои мураббиён ва меҳнати садоқатмандонаи онҳо варзишгарони мо борҳо ғолиби мусобиқаҳои байналмилалӣ гардиданд. Мураббиён, масалан, аз мактаби захираҳои олимпии шаҳри Душанбе, мактаби ҷумҳуриявии маҳорати олии варзишии намудҳои гӯштин ва дигар клубу сексияҳои шаҳри Душанбе ва шаҳру ноҳияҳо буданд. Аммо аз ҳама муҳимаш, мо тавонистем ҳамаи варзишгаронро дар заминаи клуби ҷудои “Хоҷи Шариф” муттаҳид намуда, низоми нави мукаммалгардонии маҳорати варзиширо ба роҳ монда, бо коршиносони хориҷиву дохилӣ самаранок омода созем.
- Бешубҳа, соли равон кори Федератсияи ҷудо бисёр назаррасу олӣ буд. Гуфта метавонед, ки муҳимтарин дастоварди федератсия дар соли равон кадом буд?
- Ба ҷуз аз дастоварду медалҳои дар боло зикршуда, метавонам таъкид намоям, ки ду чорабинии таърихии сатҳи ҷаҳонӣ бори нахуст дар шаҳри Душанбе баргузор гардид. Бо ташаббуси Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ва президенти Федератсияи ҷудои Тоҷикистон Исмоил Маҳмадзоир дар ҳамоҳангӣ бо Федератсияи байналмилалии ҷудо дар таърихи варзишӣ дар пойтахти кишварамон Гранд- Слам Душанбе -2024 ва Чемпионати ҷаҳон оид ба ҷудо байни ҷавонон гузаронида шуд. Дар ин мусобиқаҳои бонуфуз ситораҳои ҷудои ҷаҳон, мисли Тедди Ринер, Шохей Оно ва ғайраҳо иштирок ва қувваозмоӣ карданд.
- Давоми як сол бо ташаббуси Федератсияи ҷудо, Душанбе мизбони ду мусобиқаи бонуфузи сайри ҷаҳонии ҷудо (Гран-При, Гран-Слам) ва Чемпионати ҷаҳонии ҷудо байни ҷавонон гардид. Дар оянда федератсия нақша дорад, ки боз ҳам чунин мусобиқаҳоро дар кишвар баргузор намояд?
- Имрӯз мо бо боварии комил гуфта метонем, ки Тоҷикистон қудрати мизбонии чорабиниҳои сатҳи ҷаҳониро дорад. Рӯз то рӯз шароитҳои хубтар барои рушди варзиш муҳайё мегардад. Ба шарофати сиёсати хирадмандонаи Пешвои миллат, муҳтарам Эмомалӣ Раҳмон ва сулҳу субот варзиш дар Тоҷикистон нашъунамои воқеиро эҳсос мекунад. Муваффақияти варзишгарони мо, обрӯи варзиши тоҷикро дар арсаи байналмилалӣ баланд бардошт. Дар соли 2025 ба нақша гирифтем, ки ба ғайр аз Гранд-Слам Душанбе-2025, мусобиқаҳои Ҷоми Осиё байни наврасон ва ҷавонон баргузор намоем ва бо боварии комил гуфта метавонам, ки мо ҳамаи мусбиқаҳои сатҳи ҷаҳониро дар кишвари азизамон баргузор менамоем.
- Маҳмадбек Маҳмадбеков ҷудокори номошнои тоҷик, ки ҳоло аз номи АМА баромад мекунад ва дар олами ҷудои ҷаҳон яке аз беҳтаринҳо дониста мешавад. Оё Федератсия аз ҳайати Тоҷикистон баромад кардани ин варзишгар ягон чора андешид?
- Маҳмадбек Маҳмадбеков барандаи медалҳои сершумори мусобиқаҳои бонуфузи байналмилалӣ мебошад. Бояд гуфт, ки Маҳмадбек ҷудокори дилхоҳи ҳар як тими миллии ҷаҳон аст. Вале мо имрӯз таваҷҷуҳи худро ба варзишгарони наврасу ҷавон равона намудем, ки онҳо тавонанд дар миқёси ҷаҳон ба натиҷаҳои назаррас ниол гарданд. Дар вазни 73 кг, ки вазни Маҳмадбек мебошад, мо имрӯз рақобатпазирии баланд дорем. Ҷудокорони ҷавони мо иқтидори калон доранд ва дар сурати омодагии дуруст ва дастгирии ҳамаҷониба метавонанд на танҳо аз комёбиҳои Махмадбеку Сомону Темурро такрор кунанд, балки аз онҳо ҳам пеш гузаранд. Федератсия барои рушду камоли варзишгарони наврас тамоми шароити заруриро фароҳам оварда, ба онҳо имкони дастрасии замонавии тамрин ва мураббиёни баландихтисосро фароҳам овардааст. Мо бовар дорем, ки насли ҷавони ҷудокорони тоҷик анъанаҳои пуршарафи варзиши моро идома дода, дар арсаи байналмилалӣ ба дастовардҳои боз ҳам баландтар ноил мегарданд.
- Мактабҳои ҷудои Ҷопон дар роҳи омода намудани ҷудокорони касбӣ дар ҷаҳон ҳамто надоранд. Оё Федератсияи ҷудои Тоҷикистон ҳам барои таълими ҷудокорон мутахассисони ҷопониро ҷалб намудааст?
- Мо хоҳиши нусхабардорӣ ё такрор кардани усули таълимии ҷопониро надоштем. Мо якҷоя усулҳои нави тайёр кардани варзишгарони дараҷаи олиро ҷустуҷӯ кардем ва фаҳмидем, ки барои ноил шудан ба қуллаҳои нав роҳҳои ҳалли ғайристандартиро ворид кардан лозим аст. Бинобар ин, мо низоми худро ҷиҳати тайёр намудани варзишгарони рақобатпазир кор карда баромадем, ки он омезиши усулҳои анъанавӣ ва равишҳои муосири илмиро ба назар мегирад. Ба шарофати ин, варзишгарони мо имрӯз дар арсаи байналмилалӣ натиҷаҳои пайваста баланд нишон дода истодаанд.
- Барои омода гардидан ба мусобиқаҳои бунуфузи ҷудо машқҳои дастаҷамъонаи ҳайати мунтахаби ҷудои кишвар ба ҷуз аз Тоҷикистон боз дар кадом кишварҳо баргузор мегарданд?
- Дар бораи машқҳои дастаҷамъонаи ҳайати мунтахаби ҷудои кишвар бояд гуфт, мо кӯшиш менамоем, ки онҳоро дар кишварҳое, ки дараҷаи рақобати баланд ва варзишгарони пурқувват доранд, ташкил ва иштирок намоем. Дар миёни ин кишварҳо Ҷопон, Русия, кишварҳои Аврупо, Узбакистон ва ғайра ҳастанд. Ин ба варзишгарони мо имкон медиҳад, ки миёни варзишгарони пурқувват таҷрибаи бебаҳо ба даст оранд, маҳорати худро инкишоф диҳанд ва рақобатпазирии худро дар арсаи байналмилалӣ баланд бардоранд. Ногуфта намонад, ки омода гардидан ба мусобиқаҳои бунуфузи Осиёву ҷаҳонӣ ин раванди мураккабест, ки банақшагирии дақиқ ва ба назар гирифтани як чанд омилҳоро талаб мекунад. Ҳамзамон, муайян кардани ҳадаф ва вазифаҳои мушаххас ба раванди тамрин ба муқаррар гардонидани самаранокии он мусоидат менамояд. Мисол, мураббиён дар ҷараёни тамринҳо камбудиҳои омодагии варзишгарони худро дар машқварзӣ муайян намуда, таҳлил менамоянд ва барои бартараф кардани онҳо усулҳои навро меомӯзанд ва татбиқ мекунанд.
- Ба андешаи шумо барои як ҷудокор дар роҳи расидан ба муваффақият ва парчамбардор гардидан, бештар аз ҳама чӣ лозим аст?
- Роҳи ҳар як варзишгар ба сӯи муваффақият инфиродист. Ягон усул ё методикаи универсалӣ вуҷуд надорад, ки муваффақиятро кафолат диҳад. Бо вуҷуди ин, сифатҳои шахсӣ, ба монанди интизом, фидокорӣ, меҳнатдӯстӣ ва як қатор омилҳо имкони расидан ба ҳадафҳоро медиҳад. Барои ноил шудан ба комёбиҳо ва қуллаҳои баланд варзишгар қурбониҳои зиёде мекунад, аз ҷумла ҳаёти шахсии худро.
- Дар ҳоли ҳозир мо метавонем Темур Раҳимов, Сомон Маҳмадбеков, Обид Ҷебов ва чанд тани дигарро қуллаи баланди ҷудои тоҷик унвон диҳем. Ба андешаи шумо аз насли навраси ҷудокорон киҳо метавонанд ҳамсони онҳо гарданд?
- Темур Раҳимов, Сомон Махмадбеков, Комроншоҳ Устопириён, Беҳрӯз Ҳоҷазода, Обид Ҷебов, Эмомалӣ Нуралӣ ва бисёр дигар варзишгарони мо дар ҳақиқат паҳлавонони номвари тоҷик, парчамбардори Тоҷикистон мебошанд, ки ҷудои тоҷикро дар арсаи байналмилалӣ шуҳратманд гардонданд. Ҳамзамон, ин савол аҳамияти муҳимеро дар рушди насли наврас таъкид мекунад. Мо - ҷавонони боистеъдод дорем, ки дар арсаи байналмилалӣ натиҷаҳои назаррас нишон дода, аллакай бо ҷудокорони калонсол ва ботаҷриба қувваозмоӣ мекунанд. Мисол, Абубакр Шеров, Мухиддин Асадуллозода, Парвиз Абдураҳмонов, Лоиқ Қутбиддинов, Мадина Курбонзода, Виктория Киселева ва ғайраҳо мебошанд. Албатта, ба мо лозим меояд, ки боз ҳам бо ғайрати дучанд заҳмат кашида, ҳамаи қувваро ба дарёфти чеҳраҳои нави варзишӣ, ҷалби духтарон, афзун гардонидани шумораи машқварзон ва ноил шудан ба комёбиҳои нав равона намоем.
- Дар охир мехостем умеду бовариҳои шуморо дар бораи ояндаи ҷудои меҳан дониста бошем?
- Пеш аз ҳама, мехоҳам таъкид намоям, ки ҷудои меҳан ба шарофати маҳорати касбии тамоми ҳайати Федератсияи ҷудо таҳти роҳбарии муҳтарам Исмоил Маҳмадзоир метавонад дар арсаи байналмилалӣ боз ҳам бештар ба натиҷаҳо ноил гардад. Ҷудо на танҳо як намуди варзиш, балки метавонад рамзи қувват, ваҳдат ва руҳияи тоҷикон гардад, инчунин ҳамчун ҷузъи ҷудонашавандаи тарзи ҳаёти солими наврасону ҷавонон ва ифтихори миллӣ шавад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед