ВАРЗИШ
Чоршанбе 16 Октябр 2019 08:25
2623
Мувофиқи нақша – чорабиниҳои Кумитаи ҷавонон, варзиш ва сайёҳии кишвар дар маркази ВМКБ, шаҳри Хоруғ марҳилаи аввали Фестивали бозиҳои миллии варзишӣ баргузор гардид.

Дар расми ифтитоҳи чорабинии оммавӣ раиси ВМКБ Шодихони Ҷамшед, муовини сарвазири Ҷумҳурии Тоҷикистон Азим Иброҳим, сардори Раёсати ҷавонон, варзиш ва сайёҳии вилоят Ризо Раҳматшоев ва меҳмонону бошандагони Хоруғ ширкат доштанд.

Зикр гардид, ки ҳадаф аз доир намудани Фестивал ин рушд ва эҳёи бозиҳои миллии варзишӣ, тарбияи наслҳои имрӯзу фардо дар рӯҳияи арҷгузорӣ ба таъриху анъанаҳои милии аҷдодон, таҳкими тарзи ҳаёти солим ва пешгирии ҳаргуна падидаву аъмоли зишт байни ҷавонону наврасон мебошад.

Дар доираи Фестивал асосан намудҳои варзишии вазнбардорӣ, гӯштигирӣ, дастхобонӣ, пойга (варзиши сабук, давидан ба масофаи 400, 800, 200 метр), шоҳмот ва бандкашӣ баргузор шуданд. Дар фарҷом ғолибону варзишгарон аз ҷониби Раёсати ҷавонон, варзиш ва сайёҳии ВМКБ бо ифтихорнома ва тӯҳфаҳои хотиравӣ қадрдонӣ шуданд.

Мувофиқи тавзеҳоти Р. Раҳматшоев, сардори Раёсати ҷавонон варзиш ва сайёҳии вилоят марҳилаи навбатии Фестивали бозиҳои варзишӣ моҳи июни соли ҷорӣ, дар арафаи ҷашни умумиҷумҳуриявии Ваҳдати миллӣ доир хоҳад гашт.

Машҳур ИМОМНАЗАРОВ, “ҶТ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.