ВАРЗИШ
Душанбе 14 Июл 2025 01:11
Шоми 22 май дар Варзишгоҳи марказии шаҳри Хоруғ ба ифтихори Рӯзи ҷаҳонии футбол мусобиқаи футбол байни дастаҳои "Ҳулбук" - и ноҳияи Восеъ ва "Помир" - Бадахшон баргузор гардид.
Қабл аз шурӯи бозӣ, фестивали футбол бо ҷалби дастаҳои футболи наврасон доир шуд.
Раиси ВМКБ Мирзонабот Алишер Худобердӣ дар оғози чорабинӣ ҳозиринро бо Рӯзи ҷаҳонии футбол ва ташкили лигаи футболи вилоят, инчунин Рӯзи ҷавонон табрик гуфт.
Зикр шуд, ки маҳз бо дастури Пешвои варзишдӯсти миллат муҳтарам Эмомалӣ Раҳмон, бо мусоидати ҳамаҷонибаи Ҳукумати Ҷумҳурии Тоҷикистон ва дастгирии бевоситаи Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон муҳтарам Рустами Эмомалӣ футболи миллӣ дар саросари Тоҷикистони маҳбуб, минҷумла, дар ВМКБ рӯ ба инкишоф ниҳода, тими яккачини вилоят ташкил гардид. Ҳатто футболи занона аз мадди назар дур намонда, аллакай дастаҳои занонаи шаҳри Хоруғ ва аксарияти ноҳияҳои вилоят таъсис ёфта, ба тамрину баргузории мусобиқаҳо шуруъ намуданд.
Қайд рафт, ки қабул гардидани қатъномаи Маҷмаи Умумии СММ оид ба эълон намудани 25 май - ҳамчун Рӯзи ҷаҳонии футбол, ки аз ҷониби Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон муҳтарам Рустами Эмомалӣ пешниҳод шуда буд, чун дигар пешниҳодҳои муҳими Роҳбарияти олии кишвар саҳифаи наверо дар шоҳкитоби таърихи навини давлатдории мо, минҷумла, таърихи варзиши он кушод.
- Боварии комил дорем, ки тими футболи вилоят солҳои наздик дар лигаи олии Тоҷикистони азиз баромад намуда, бо бозии воло ва ғолибиятҳои хеш на танҳо хотири дӯстдорони варзишро шод, балки мақоми варзиши вилоятро дар сатҳи Ватан боло хоҳад намуд. Футболбозони вилоят бошанд, бо нишон додани бозии зебо, бештар шомили тими миллӣ гардида, бо заҳмату ҳунари худ Парчами миллиро дар арсаи футболи ҷаҳонӣ парафшон хоҳанд намуд, - гуфт раиси вилоят.
Сипас, бозӣ байни ду даста оғоз гардида, ба дастаи "Ҳулбук" - и ноҳияи Восеъ муяссар шуд, ки бозиро бо ҳисоби 2:0 ба фоидаи худ ҷамъбаст намояд.
Садоншо ҶАНОБИЛШОЕВ, “ҶТ”
Қабл аз шурӯи бозӣ, фестивали футбол бо ҷалби дастаҳои футболи наврасон доир шуд.
Раиси ВМКБ Мирзонабот Алишер Худобердӣ дар оғози чорабинӣ ҳозиринро бо Рӯзи ҷаҳонии футбол ва ташкили лигаи футболи вилоят, инчунин Рӯзи ҷавонон табрик гуфт.
Зикр шуд, ки маҳз бо дастури Пешвои варзишдӯсти миллат муҳтарам Эмомалӣ Раҳмон, бо мусоидати ҳамаҷонибаи Ҳукумати Ҷумҳурии Тоҷикистон ва дастгирии бевоситаи Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон муҳтарам Рустами Эмомалӣ футболи миллӣ дар саросари Тоҷикистони маҳбуб, минҷумла, дар ВМКБ рӯ ба инкишоф ниҳода, тими яккачини вилоят ташкил гардид. Ҳатто футболи занона аз мадди назар дур намонда, аллакай дастаҳои занонаи шаҳри Хоруғ ва аксарияти ноҳияҳои вилоят таъсис ёфта, ба тамрину баргузории мусобиқаҳо шуруъ намуданд.
Қайд рафт, ки қабул гардидани қатъномаи Маҷмаи Умумии СММ оид ба эълон намудани 25 май - ҳамчун Рӯзи ҷаҳонии футбол, ки аз ҷониби Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон муҳтарам Рустами Эмомалӣ пешниҳод шуда буд, чун дигар пешниҳодҳои муҳими Роҳбарияти олии кишвар саҳифаи наверо дар шоҳкитоби таърихи навини давлатдории мо, минҷумла, таърихи варзиши он кушод.
- Боварии комил дорем, ки тими футболи вилоят солҳои наздик дар лигаи олии Тоҷикистони азиз баромад намуда, бо бозии воло ва ғолибиятҳои хеш на танҳо хотири дӯстдорони варзишро шод, балки мақоми варзиши вилоятро дар сатҳи Ватан боло хоҳад намуд. Футболбозони вилоят бошанд, бо нишон додани бозии зебо, бештар шомили тими миллӣ гардида, бо заҳмату ҳунари худ Парчами миллиро дар арсаи футболи ҷаҳонӣ парафшон хоҳанд намуд, - гуфт раиси вилоят.
Сипас, бозӣ байни ду даста оғоз гардида, ба дастаи "Ҳулбук" - и ноҳияи Восеъ муяссар шуд, ки бозиро бо ҳисоби 2:0 ба фоидаи худ ҷамъбаст намояд.
Садоншо ҶАНОБИЛШОЕВ, “ҶТ”
Хабарҳои дигар
Рӯзнома
Эзоҳи худро нависед