Бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон бахшида ба 33-юмин солгарди таъсисёбии Қувваҳои Мусаллаҳи Ҷумҳурии Тоҷикистон байни сохторҳои қудратӣ ва мақомотҳои ҳифзи ҳуқуқи барои дарёфти "Ҷоми Раиси ВМКБ" мусобиқаи варзишӣ аз намуди футбол доир шуд.

Бозии ниҳоӣ, нимаи дуюми 23 - юми феврал дар Маҷмааи варзишии шаҳри Хоруғ байни дастаҳои РВКД дар вилоят ва РКДАМ баргузор гашта, бо пирӯзии дастаи РВКД дар ВМКБ анҷом пазируфт. Дастаи РВКД дар вилоят бо медал, диплом, "Ҷоми Раиси ВМКБ" ва мукофоти пулӣ қадр карда шуданд.

Инчунин тимҳое, ки сазовори ҷойҳои дуюм ва сеюм гардиданд, бо медал, диплом ва мукофоти пулӣ ҳавасманд гардиданд.

Садоншо ҶАНОБИЛШОЕВ,
“ҶТ”