Ба ифтихори 30-солагии Истиқлолияти давлатии Ҷумҳурии Тоҷикистон дар маҳаллаи Тирчиди шаҳри Хоруғ миёни 18 дастаи идораву муассисаҳои маҳаллӣ мусобиқаи баскетбол баргузор гардид.

Тавре аз Раёсати кор бо ҷавонон ва варзиши вилоят иттилоъ доданд, мусобиқа бо ҳадафи сазовор пешвоз гирифтани ҷашни болозикр, оммавияти варзиш ва иқдоми раёсат рӯи кор омада, ғолибон бо медалу ифтихорнома ва мукофотпулӣ сарфароз гардонида шуданд.

Дар охир тими “Муассисаҳои варзишӣ” ҷойи аввалро ишғол карда, дастаҳои “Агентии Оғохон оид ба макони зист” ва “Донишгоҳи Осиёи Марказӣ” бошад, зинаҳои дуюму сеюмро ишғол намуданд.