ВАРЗИШ
Якшанбе 28 Ноябр 2021 08:27
8123
Дар маҷмааи варзишии шаҳри Хоруғ даври ниҳоии мусобиқаи волейбол байни панҷ дастаи бонувони вилоятҳои Суғду Хатлон, ВМКБ ва шаҳри Душанбе, ки ба ифтихори 30 – солагии Истиқлолияти Ҷумҳурии Тоҷикистон гузашт, ҷамъбаст гардид.

Ҳамин гуна, дар даври ниҳоӣ бозии тимҳои “ВМКБ” ва “Душанбе” ҷолибу шадид сурат гирифта, бозингарони ҳар ду даста аз худ маҳорати баданд нишон доданд.

Аммо баъди талошҳои зиёд дастаи “ВМКБ” дастаи рақибро бо ҳисоби 3 : 2 шикаст дода, ғолиби мутлақи чорабинии варзишӣ гашт.

Барои зинаи сеюм дастаҳои “Суғд” ва “Бадахшон 2” рақобат карданд, ки дар натиҷа “Суғд” бо ҳисоби калони 3 : 0 бар тими рақиб ғолиб омад.

Дар фарҷом муовини раиси ВМКБ Назира Амирбекзода ғолибонро бо Ҷом, медал ва ифтихорномаҳои Кумитаи кор бо ҷавонон ва варзиши назди Ҳукумати кишвар сарфароз намуда, баҳри ташкилу баргузории чунин чорабиниҳо ба роҳбарияти кумита ва Раёсати кор бо ҷавонон ва варзиши вилоят миннатдории самимӣ баён намуд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.