САЙЁҲӢ
Ҷумъа 19 Апрел 2024 05:03
Дар доираи сафари расмӣ ба Ҷумҳурии Чех Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз мавзеъҳои зебо ва қадимаю таърихии ин кишвар боздид ба амал овард.
Нахуст Президенти мамлакат Эмомалӣ Раҳмон ба Боғи ботаникии Трояи Прага ташриф оварда, бо дарахтон, гулу буттаҳо ва дигар растаниҳои нодири ороишию табобатии он шинос шуд. Боғи ботаникӣ аз чанд қисм иборат буда, дар баробари парвариши набототи гуногун, он ҳамчунин ба як мавзеи хушбоду ҳаво барои дӯстдорони табиат ва маҳалли тамошову истироҳати меҳмонону сокинон мубаддал гардидааст. Ҳудуди боғ 70 гектарро ташкил дода, дар заминҳои талу теппа ҷойгир аст ва дар он парвариши беш аз 7000 навъи ниҳол ва гулу буттаҳои ороишӣ, инчунин дарахтони бисёрсолаву растаниҳои табобатӣ ба роҳ монда шудааст.
Сарвари давлат Эмомалӣ Раҳмон зимни шиносоӣ бо боғи ботаникӣ ба навъҳои дарахтони бисёрсола, ороишӣ ва гулу буттаҳои ба иқлими кишвари мо мутобиқ бештар таваҷҷуҳ кард. Таъкид гардид, ки барои табодули таҷриба дар самти парвариши ниҳолҳо ва набототи гуногун ҳамкории зичи олимони соҳа зарур аст.
Ҳамчунин Сарвари давлат Эмомалӣ Раҳмон дар шаҳри Прага ба Қалъаи таърихии Конопиште ташриф овард. Қалъа дар асри 13 аз тарафи епископ Тобиаш бунёд шудааст. Охирон соҳиби қалъа дар аввалҳои асри 20-ум вориси императори австрия Франтс Фердинанд Эсте буд.
Зимни шиносоӣ ба Президенти мамлакат, муҳтарам Эмомалӣ Раҳмон иттилоъ доданд, ки масоҳати умумии ҳудуди қалъа наздики 225 гектарро ташкил дода, аз боғи дарахтону буттаҳои нодир, боғи садбарг бо муҷассамаҳо иборат аст ва он аз ёдгориҳои қадима, таърихӣ ва фарҳангии Чех маҳсуб меёбад. Масоҳати бинои дохили қалъа 2800 метри мураббаъ буда, аз 125 толору ҳуҷраҳои гуногунҳаҷм иборат аст. Дар Қалъаи Конопиште 4600 адад силоҳи гуногун ва лавозимоти ҷангии давраи асри 18 нигоҳ дошта шудааст. Инчунин 30 ҳазор асбобҳои рӯзгордории антиқа ҷамъ оварда шудааст. Дар маҷмуъ, дар Конопиште беш аз 100 ҳазор нигораҳои нодир аз сайдҳои шикоршуда, зарфу асбобҳои хоҷагӣ, китобу дастхатҳо маҳфуз аст.
Боғи зебои англисӣ, колексияи ашёҳои фарфорӣ, оинабандии толорҳо, ашёҳои гуногун, мизу курсиҳо, аксу мусаввараҳои гаронбаҳо ва нигораҳои нодиру қиматбаҳои аслиҳаи шикории асримиёнагӣ дар ҳудуди Аврупо ва лавозимоти шикорӣ ба Қалъаи Конопиште шуҳрати таърихӣ овардааст ва он то имрӯз ҳамчун қалъаи нодир маҳсуб меёбад.
Нахуст Президенти мамлакат Эмомалӣ Раҳмон ба Боғи ботаникии Трояи Прага ташриф оварда, бо дарахтон, гулу буттаҳо ва дигар растаниҳои нодири ороишию табобатии он шинос шуд. Боғи ботаникӣ аз чанд қисм иборат буда, дар баробари парвариши набототи гуногун, он ҳамчунин ба як мавзеи хушбоду ҳаво барои дӯстдорони табиат ва маҳалли тамошову истироҳати меҳмонону сокинон мубаддал гардидааст. Ҳудуди боғ 70 гектарро ташкил дода, дар заминҳои талу теппа ҷойгир аст ва дар он парвариши беш аз 7000 навъи ниҳол ва гулу буттаҳои ороишӣ, инчунин дарахтони бисёрсолаву растаниҳои табобатӣ ба роҳ монда шудааст.
Сарвари давлат Эмомалӣ Раҳмон зимни шиносоӣ бо боғи ботаникӣ ба навъҳои дарахтони бисёрсола, ороишӣ ва гулу буттаҳои ба иқлими кишвари мо мутобиқ бештар таваҷҷуҳ кард. Таъкид гардид, ки барои табодули таҷриба дар самти парвариши ниҳолҳо ва набототи гуногун ҳамкории зичи олимони соҳа зарур аст.
Ҳамчунин Сарвари давлат Эмомалӣ Раҳмон дар шаҳри Прага ба Қалъаи таърихии Конопиште ташриф овард. Қалъа дар асри 13 аз тарафи епископ Тобиаш бунёд шудааст. Охирон соҳиби қалъа дар аввалҳои асри 20-ум вориси императори австрия Франтс Фердинанд Эсте буд.
Зимни шиносоӣ ба Президенти мамлакат, муҳтарам Эмомалӣ Раҳмон иттилоъ доданд, ки масоҳати умумии ҳудуди қалъа наздики 225 гектарро ташкил дода, аз боғи дарахтону буттаҳои нодир, боғи садбарг бо муҷассамаҳо иборат аст ва он аз ёдгориҳои қадима, таърихӣ ва фарҳангии Чех маҳсуб меёбад. Масоҳати бинои дохили қалъа 2800 метри мураббаъ буда, аз 125 толору ҳуҷраҳои гуногунҳаҷм иборат аст. Дар Қалъаи Конопиште 4600 адад силоҳи гуногун ва лавозимоти ҷангии давраи асри 18 нигоҳ дошта шудааст. Инчунин 30 ҳазор асбобҳои рӯзгордории антиқа ҷамъ оварда шудааст. Дар маҷмуъ, дар Конопиште беш аз 100 ҳазор нигораҳои нодир аз сайдҳои шикоршуда, зарфу асбобҳои хоҷагӣ, китобу дастхатҳо маҳфуз аст.
Боғи зебои англисӣ, колексияи ашёҳои фарфорӣ, оинабандии толорҳо, ашёҳои гуногун, мизу курсиҳо, аксу мусаввараҳои гаронбаҳо ва нигораҳои нодиру қиматбаҳои аслиҳаи шикории асримиёнагӣ дар ҳудуди Аврупо ва лавозимоти шикорӣ ба Қалъаи Конопиште шуҳрати таърихӣ овардааст ва он то имрӯз ҳамчун қалъаи нодир маҳсуб меёбад.
Хабарҳои дигар
Рӯзнома
Эзоҳи худро нависед