ҶАВОНОН
Сешанбе 26 Июн 2018 12:40
843
Дирӯз, 26 апрел, дар Донишкадаи давлатии забонҳои Тоҷикистон ба номи Сотим Улуғзода раиси Иттифоқи ҷавонони Тоҷикистон Аҳтам Абдуллозода бо донишҷӯён мулоқот кард. 

Қабл аз оғози мулоқот раиси ИҶТ бо дастовардҳои донишҷӯёни донишкада шинос шуда, ба ҳунару маҳорати онҳо таҳсин хонд.
 
Зимни мулоқот аз тарафи Иттифоқи ҷавонони ҷумҳурӣ ба ҳозирин варақаҳои дорои иттилооти гуногун вобаста ба тағйиру иловаҳо ба Конститутсия тақсим карда шуд. 

Аҳтам Абдуллозода вобаста ба нуқтаҳои асосии тағйиру иловаҳо ба қонуни асосии кишвар суханронӣ намуда, иброз дошт, ки соли 2016 аз нигоҳи сиёсиву иқтисодӣ ва фарҳангӣ барои миллати тоҷик соли муҳим ва сарнавиштсоз мебошад. Имсол барои мо аз нигоҳи аввал имтиҳон аст, вале аз нигоҳи дигар давраи мустаҳкам кардани камолоти миллат ва дар замири ҳар яки мо таҳким бахшидани эҳсоси ватандӯстӣ, худшиносии миллӣ ва боло бурдани унсурҳои давлатдории навини Тоҷикистон мебошад.


  
Зикр шуд, ки имсол ба Конститутсия, санаде, ки имрӯзу фардои миллати моро муайян месозад, тағйиру иловаҳо ворид карда мешавад. Раъйпурсӣ василаи муҳими ҳокимияти халқ буда, тавассути он ҳар яки мо мавқеамонро нисбат ба давлатдорӣ бояд муайян созем. Месазад гуфт, ки 22 май рӯзи бахти миллат аст. Чунки низоми ворид намудани тағйиру иловаҳо ба Конститутсия аввалан баҳри беҳбудӣ, таъмин кардани ҳаёти осоиштаи мардум ва ба низом даровардани идоракунии сиёсӣ мусоидат мекунад.

Сипас миёни донишҷӯён ва раиси иттифоқ маҳфили саволу ҷавоб сурат гирифта, дар охир маҳфили рангоранги фарҳангӣ манзур гардонида шуд. 

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.